Este sábado dia 21 de Novembro às 22:00 hrs., dentro do ciclo de concertos "Somos um povo e artistas" e desde Pontedeume ArengA será o grupo encarregado de animar a festa (más informaçom sobre o grupo em http://www.myspace.com/arenga ). Preço: 3?.

O próximo sábado 14 de Novembro sae à rua pola ria. Contra os recheios, contra a política da Autoridade Portuaria que só pensa em aterrar o mar para especular com o terreno e construir centros comerciais, edificios administrativos, campos de futbol, hoteis, fontes cibernéticas...
Contra a corrupta clase política e empresarial que quere obter os máximos beneficios a curto praço sem lhe importar estragar o meio-ambiente.

O sábado temos que sair tod@s à rua e berrar bem forte:
GOVERNE QUEM GOVERNE A RIA NOM SE VENDE

Este sábado dia 7 de Novembro às 22:00 hrs., dentro do ciclo de concertos "Somos um povo e artistas" e desde Redondela Marxe Eskerda será o grupo encarregado de animar a festa. Preço: 3?.

A RÍA NON SE VENDE organizou para este Sábado dia 7 de Novembro às 19:00 hrs. no Auditório da antiga Reitoria (Rua Areal nº46, Vigo) umha mesa redonda sobre as agressons ambientais na ria de Vigo na que intervirám Manuel E. Garci (biólogo e realizador submarino), Jaime Peón (professor da Universidade de Vigo), Evaristo Fernández (Patrom Maior da Confraria de Cangas) e Santiago Palas (biólogo).

Os elevados niveis de contaminaçom da Ria de Vigo, unidos ao alarmante processo de destruiçom da paisagem e da natureza no seu litoral, constituem a principal preocupaçom e a razom de ser desta rede de colectivos que chamamos A RÍA NON SE VENDE.

A constante construiçom de recheios, portos desportivos, peiraos e outras modificaçons artificiais da costa, estám produzindo um grave dano ao delicado equilíbrio ecológico da Ria, pondo em perigo a sua extra-ordinária riqueza e diversidade biológica. Significam também, polo tanto, um grave risco para o nosso principal recurso natural: a riqueza marisqueira e pesqueira do Mar de Vigo.

Foi esta funda preocupaçom a que lhes moveu a buscar a presença de técnicos, professores e gentes do mar para reuni-los em torno a uma mesa com o objecto de inter-cambiar opinions, ideias e conhecimentos na procura das urgentes soluçons que em estes momentos difíciles a Ria necessita.

O acto servirá também como presentaçom da manifestaçom que, baixo o lema "Massó, Bouzas, Areal, Teis, Chapela: OS RECHEOS MATAN Á RÍA" terá lugar em Vigo o próximo Sábado 14 de Novembro às 19:00 hrs. desde a Gram Via (Praça dos Cabalos) á Praça da Estrela (Autoridade Portuária).

A partires deste mês de Novembro vam dar começo as aulas de gaita no nível de iniciaçom. As aulas serám as quartas-feiras às 19.00 hrs. no Centro Social. Estám dirigidas a tod@s @s sóci@s e o custo mensal é de 20?.

A próxima terça-feira dia 3 de Novembro, a Assembleia de Mulheres de Vigo, Nomepisesofreghao e a Universidade Invisibel apresentan umha charla de um colectivo feminista procedente de América do Sul chamado "Mujeres Creando". É um colectivo com muita experiência e muito interesante que contar.

Este sábado dia 31 de Outubro às 22:00hrs. e dentro do ciclo de concertos "Somos um povo de artistas" Labazada será o grupo encarregado de animar a festa. Preço: 3?.

A próxima 3ª feira dia 27 de Outubro às 20:30 horas haverá umha charla baixo o título "Crise! podemos viver sem capitalismo". Enric Durán, que será o conferenciante, anunciou a expropriaçom de 492.000? a 39 entidades bancárias em 17 de Setembro do 2008 para os destinar a alternativas sociais e fugiu de Catalunya. A sua volta internou no cárcere. Agora está em liberdade. Recomendamos a charla já que o Enric falará de novas iniciativas com o fim de debilitar ao capitalismo.

A sexta-feira dia 23 de Outubro às 20:30 hrs. será apresentado no C.S. A Revolta o novo projecto de URG (Universidade Rural Galega). Esta actividade da começo às jornadas de problemáticas medioambientais organizadas pola EPG (Escola Popular Galega) com sede na rua Real. Paula Ares será a encarregada de achegarnos este novo projecto para o rural galego.

más informaçom em http://www.urgz.org/

Perante a convocatoria de manifestaçom para este domingo 18 de Outubro o CS Revolta adire-se ao Manifesto dos três pontos:

Os cidadáns e as cidadás da Galiza saímos à rua para defendermos a
Língua Galega dum processo histórico de substituiçom que colhe folgos
da mao das políticas institucionais dos inimigos do galego. Ante os
ataques que pretendem consumar o extermínio da Língua unimos forças
por volta de três reivindicaçons:

- Um país socialmente monolíngüe em Galego em que cidadáns
e cidadás escolham livremente o domínio e uso de outros idiomas.
Recusamos o bilingüísmo harmónico por ser a farsa que permite com
aparências democráticas a substituiçom do Galego polo espanhol, à vez
que oculta um conflito como o lingüístico na retórica das liberdades
individuais, quando este só pode ter soluçons sociais e colectivas.

- A reactivaçom da acçom normalizadora de base em todas as
frentes sociais. Se a supervivência da língua é fruto da vontade política
do povo que a fala, esta máxima tem ainda mais vigência sob instituiçons
indiferentes ou contrárias à normalizaçom que tolerárom a sua
minorizaçom social nestes 30 anos de Autonomia.

- Um novo quadro legal superador da desigualdade jurídica existente
entre Galego e espanhol que garanta a hegemonia social da língua
do País num futuro nom lonjano. A defesa dos elementos de discriminaçom
positiva existentes na legislaçom actual nom é o teito das nossas
reivindicaçons.

Na Galiza, em 18 de Outubro de 2009

A manifestaçom do Bloco polo Monolingüismo Social partirá da Alameda de Compostela às 12h.