Aliás, em breve, darám começo também as aulas de gaita. Passa-te polo centro social e informa-te!

Reproduzimos polo seu interesse a nova publicada hoje pola redaçom do Galizalivre sobre a situaçom dos quatro independentistas detidos:

Redaçom/ Pablo Ruz, juiz da Audiência Nacional, decretou o ingresso em prisom dos quatro independentistas detidos. Os três que declarárom hoje, detidos pola Guarda Civil, denunciárom maus tratos psicológicos, ameaças pessoais e às famílias, impedimentos para dormir e descansar e muitas pressons. Diego e Xurxo, fruto dessas torturas, acabárom por assinar declaraçons auto-inculpatórias a quarta-feira à 01:00 da madrugada, poucas horas antes de passarem à disposiçom judicial.

A Guarda Civil aplicou nesta operaçom as técnicas de tortura psicológica que até o momento o Estado preferira nom empregar contra os combatentes galegos. Segundo informam a Galizalivre.org os advogados de Ceivar, que pudérom defender os detidos na declaraçom judiciária, os jovens encontravam-se mui atemorizados e nervosos depois das ameaças e maus tratos passados durante os três dias e meio anteriores. Depois da declaraçom pudérom relatar aos advogados a situaçom atravessada.

Negárom as auto-inculpaçons perante o juiz

Somente umhas horas depois de assinar as declaraçons policiais, os moços denunciárom diante de Pablo Ruz os maus tratos, e aclarárom que as declaraçons som falsas e somente as assinárom para deixar de padecer as pressons. Acto seguido, Xurxo negou-se a fazer nengumha outra declaraçom judicial, enquanto Diego acedeu a responder perguntas, declarando-se inocente de qualquer delito que se lhe imputava. No que diz respeito ao Héctor, recusou-se a declarar nada perante a polícia e perante o juiz. Há que salientar que o próprio juiz Ruz acedeu a instar umha investigaçom polas denúncias de maus tratos, embora os advogados de Ceivar reconhecêrom ao Galizalivre.org terem "poucas esperanças de que chegue a conclusons, umha vez que os agentes atuárom sempre com o rosto coberto com passa-montanhas".

Três a Soto, um a Meco

Carlos, Diego e Héctor fôrom ingressados na prisom de Soto del Real, enquanto Xurxo foi levado à de Alcalá-Meco, devido a que em Soto nom há módulo de menores (Xurxo tem menos de 21 anos). Em qualquer caso, a prisom de Soto del Real é empregado por Instituiçons Penitenciárias para receber os novos presos antes de os redistribuir ao longo da geografia espanhola. Desta maneira, começa o périplo dos prisioneiros, submetidos à política da dispersom desde o primeiro dia.

Continuarám os protestos e a solidariedade

Enquanto se começa a articular o apoio aos novos presos, às suas famílias e amizades, preparando as visitas do fim-de-semana e o papeleio legal, o organismo anti-repressivo Ceivar continua com a sua denúncia pública da operaçom repressiva. Na quinta-feira há convocada umha manifestaçom em Santiago de Compostela, ao passo que na tarde da quarta o centro social Faísca de Vigo acolherá umha jornada de trabalho para a preparaçom e difusom de propaganda.

Desde o Centro Social Revolta fazemos um chamado a participar ativamente na concentraçom convocada para manhám dia 17 de setembro às 20h30 no Marco da rua do príncipe em Vigo polo organismo popular anti-repressivo Ceivar em solidariedade com os companheiros detidos.
Queremos transmitir também a nossa solidariedade e apoio incondicional aos detidos e familiares dos mesmos assim como advertir a Espanha que os seus golpes, longe de amedrontar-nos, fam-nos mais fortes.

VIVA GALIZA CEIVE E SOCIALISTA!!
DENANTES MORTOS QUE ESCRAVOS!!
LIBERDADE PATRIOTAS GALEGOS!!

Começamos este curso com a re-volta de dous dos grandes êxitos da temporada passada. Por umha banda, nas sextas-feiras às 19h30 umhas aulas que fam falar ao mesmíssimo Wenceslao Cabezas e nom deixam indiferente a ninguém, as aulas de dança tradicional!!

Aliás, no próximo mês de outubro darám começo as aulas de pandeireta para o qual haverá umha juntança a finais deste mês na que se fixará dia e hora, e também em mente temos começar com as aulas de gaita.

Podedes-vos incorporar a qualquer dos grupos quando quiserdes e também propor qualquer outras aulas sempre que vos juntedes um grupinho interessado.

PARTICIPA!!

informaçom tirada de ceivar

Publicamos a seguir o comunicado do Colectivo de Presas/os Independentistas Galegas/os ante as medidas de isolamento e soidade que lhes som aplicadas e no que manifestam a realizaçom dum rexeitamento de bandexa mensal, a segunda sexta-feira de cada mês, como forma de protesto. Esta protesta suma-se ao jejum que já vinha realizando o Colectivo a última sexta-feira de cada mês desde Novembro de 2010 (ver nova em ceivar.org).

O Colectivo de Presas/os Independentistas Galegas/os determinou-se a concretar numha protesta específica a sua luita contra as políticas de soidade e isolamentos aplicada sobre nós. A existência dumha estratégia por parte do Estado espanhol e concretada pola Dirección General de Instituciones Penitenciarias, baseada na aplicaçom de isolamentos assim como na soidade com respeito às e aos nossos companheiros ou outras presas e presos políticos, ademais de umha serie de medidas e directrizes impostas co fim de aumentar o desgaste e os efeitos repressivos sobre nós é umha realidade.

Ante isto, o CPIG comezará este mês, e de jeito periódico, a realizar umha protesta a segunda sexta-feira de cada mês, caracterizada pola negativa a aceitar o menu alimentício oferecido pola prisom ao longo desse dia. Os eixos desta jornada de luita seram o fim das medidas em riba expostas e a reivindicaçom da reunificaçom do CPIG numha mesma prisom. Deste jeito, levaremos a cabo duas jornadas de protesta específicas cada mês, esta aqui citada que se lhe suma ao jejum mensal que vinhamos fazendo todas as últimas sextas-feiras do mês coas exigências de respeito aos nossos direitos como presas e presos políticos e coa reclamaçom do fim da dispersom.

Do CPIG queremos recalcar o fracasso de todas estas medidas repressivas artelhadas por parte do Estado Espanhol, a nossa consistência na oposiçom continuada a elas e a nossa decidida resistência aos efeitos das mesmas, assim como exigimos a sua eliminaçom imediata.

Desde este lado do muro animamos a todas e todos os patriotas a solidarizar-se e fazer parte dos labores anti-repressivos e a seguir luitando em todos os eidos por umha Galiza ceive e popular.

RESISTIR É VENCER!

DENANTES MORTAS/OS QUE ESCRAVAS/OS!!

O militante independentista Roberto Rodriguez Fialhega ?Teto?, em prisom preventiva desde Dezembro do 2011 e dispersado a 684 km da sua terra na cadeia de Estremera (Madrid), nom puido estar presente no enterro de seu pai o domingo 19 de Agosto, na localidade de Sober.

Teto, que solicitou o permisso extraordinário por razons humanitárias tam pronto lhe foi notificada a morte de seu pai, nom puido ver realizado o seu desejo ao nom ter resposta, nem afirmativa nem negativa, da Audiéncia Nacional.

Mais umha vez, o Estado Espanhol amossa a sua verdadeira face coa sua falta de humanidade e compaixom contra quem lhe fai fronte.

Dende o CS Revolta expresamos-lhe as nossas condolências a Teto e à sua familia e enviamos-lhes umha forte aperta.

mas informaçom em:
ceivar
sermos galiza
que voltem a casa

Após 48 horas da publicaçom na rede do Lipdub Terra já som mais de 2800 as visualizaçons. Para acompanharmos o interesse gerado publicamos agora umha galeria fotográfica que recolhe diferentes momentos da gravaçom: