Na cidade de Vigo estamos a trabalhar dentro do projecto da Escola Popular Galega que começará a sua andaina polo mês de Outubro de 2009. Este projecto fixou como objectivos:

1. Centro de documentaçom. Criaçom do ?Arquivo Nacional do Independentismo Galego? Centralizaçom dum arquivo do independentismo aberto a consulta e investigaçom.

2. Biblioteca popular. Abertura dumha biblioteca popular. Partirá-se dumha já existente com 1100 volumes aproximadamente. Horários de empréstimo, consulta e leitura.

3. Hemeroteca. Sala de leitura de jornais, revistas e publicaçons políticas. Horários de empréstimo, consulta e leitura.

4. Investigaçom. Impulsionar investigaçons de releváncia.

5. Criaçom dumha editorial.

6. Ediçom dumha publicaçom periódica: umha revista de investigaçom e pensamento.

7. Programa de estudos: cerne da Escola Popular. Grupos de leitura, grupos de estudos, seminários formativos, formaçom geral, formaçom política, educaçom de adult@s, academia de ensino secundário, universidade popular, ?

? Funcionamento como umha instituiçom educativa alternativa cobrindo todos os níveis do ensino: primário, secundário e superior.
? Trabalhará-se por cursos académicos. Definirá-se um currículum nacional, programarám-se cursos completos anuais e semestrais, trimestrais, cursinhos, seminários, obradoiros ?
? Um comité científico definirá o programa académico 2009-2010: cursos, matérias, horários, avaliaçons, sistemas de reconhecimento, pessoal docente voluntário ?

8. Programas educativos específicos: educaçom e formaçom em valores cooperativos, comunitários, ambientais e solidários.

Embora seja um projecto muito ambicioso e amplo, a nossa intervençom centra-se na abertura e funcionamento dum espaço para a criança que terá cabimento no mesmo local da Escola Popular, sito na Rua Real da zona velha viguessa.

Zona da Escola Popular que albergará espaço para a criança

A escolha de Espaço para a criança Folhas Novas como nome vem motivado por ser o mesmo baixo onde foi impresso o livro Cantares Gallegos da insigne Rosalia de Castro, além da simbologia que guarda o nome com as crianças.