Diante da nova do feche do serviço de educaçom maternal no hospital materno infantil Teresa Herrera, pertencente ao Complexo Hospitalário Universitário da Corunha (CHUAC), a associaçom para o apoio à criança Kanguras vem de convocar a umha reuniom aberta a toda pessoa ou entidade interessada em promover algum tipo de acçom para solicitar o translado da unidade e a sua continuidade. Esta reuniom terá lugar na próxima sexta-feira dia 26 de Fevereiro às 17h30 no centro cívico do Castrilhom na Corunha.
As convocantes recolhem o trabalho de denúncia que vinham fazendo a associaçom de apoio à lactaçom Criando e mais Alma lactáncia e recordam que com este feche perdem-se definitivamente os grupos de pós-parto, quer dizer; exercícios de recuperaçom (pélvica e outros), puericultura, situaçons de emergência mais frequentes, alimentaçom complementar, masagem, gatear, vivências aquáticas, apoio à lactaçom, menopausa, incontinência,...