"Aos pais pertence a prioridade do direito de escolher o género de educaçom a dar aos filhos"

- Artigo 26° da Declaraçom Universal dos Direitos Humanos

O 4 º Dia Internacional da Liberdade de Educaçom (DILE) na Europa transcorreu em 15 de Setembro de 2010.
O objectivo do DILE é promover a importância da liberdade de escolha do tipo de educaçom que queremos dar aos nossos filhos e filhas e divulgar informaçons sobre as formas alternativas de aprendizagem que se encontram disponíveis ou cuja existência estamos tentando proteger.
Liberdade de escolha no ámbito da educaçom é importante, e nós convidamos todos os movimentos educativos alternativos, todas as organizaçons dedicadas à aprendizagem, escolas e, naturalmente, as maes, pais e filhas/os, a participarem neste evento mundial.
O DILE foi originalmente estabelecido por homeschoolers, o que em si já inclui umha grande variedade de abordagens em relaçom à educaçom e a métodos de aprendizagem. O ensino doméstico é legal mas nom é muito conhecido na maioria dos países, e encontra-se sob constante ataque por parte daqueles que pensam que apenas o Estado deve decidir o conteúdo e o local de aprendizagem das crianças, ou seja, o que elas devem aprender e onde devem aprender.

Durante toda a semana estám a ter lugar por todo o mundo conferências, encontros, feiras de educaçom e outro tipo de eventos para celebrar a data. Na Galiza, celebrará-se no próximo sábado dia 18 de Setembro a partir das 17h00 na granja do Gesto, no compostelano parque do Pedroso. Este ano, a celebraçom transcorrerá na nossa terra com especial relevância devido à próxima entrada no parlamento galego do anteprojecto de lei de apoio à família e à covivência da Galiza, que de aprovar-se tal como vai redigido, introduziria preocupantes mudanças na lei vigorante a respeito da nom escolarizaçom dumha ou dum menor.

Mais informaçom:

http://aprendersemescola.blogspot.com/

http://ensinodomestico.ning.com/