A assembleia de Agarimar da comarca de Compostela participa das Festas Populares 2011.

"No passado ano celebrou-se a primeira tentativa de organizaçom de Festas Populares e muitas de nós pensamos que foi um interessantíssimo precedente que devia ser completado e melhorado cada ano.

Queríamos reeditar o espírito, o ánimo e a energia que no passado ano permitírom oferecer à sociedade compostelana um programa de festas verdadeiramente popular e participativo que funcionou como alternativa à proposta institucional. Umhas Festas Populares feitas de abaixo, descentralizadas e espalhadas polos bairros da cidade, que respondiam aos interesses e necessidades da vizinhança, participativas e colectivas. Conseguimos evitar converter-nos em consumidoras passivas de espectáculos grandiosos para peregrinos.

Novamente, conseguimo-lo: o associativismo compostelano tem capacidade para trabalhar conjuntamente porque quer desfrutar dumhas festas locais autenticamente populares."