A CANTAR COM O SERVANDO EM VIGO

11-01-11

Na próxima sexta-feira dia 14 às 18h00 vamos cantar com o Servando Barreiro no Espaço para a criança "Folhas Novas" - Agarimar (Rua Real, 12) da zona velha de Vigo.
Recordamos a possibilidade de assistir com instrumentos musicais para fazermos um trabalho participativo.

Escrito ?s 20:27:48 nas castegorias: Iniciativas
por maesepais   , 40 palavras, 536 views     Chuza!
SITE GALEGO RECOMPILA MATERIAIS LUSÓFONOS PARA CRIANÇAS

31-12-10

O site Escola Galega recompila materiais lusófonos carregados por outrem à rede e pom-nos a disposiçom das pessoas interessadas para os utilizarem com as suas crianças. Numerosas cançons, e também desenhos animados e programas infantis formam parte deste repositório online.

Explicam na introduçom que a seleçom dos materiais está pensado "de modo orientativo, para crianças de 2 a 8 anos, aproximadamente". Por este mesmo motivo, e como exceçom à regra, há também duas séries em inglês, se bem com um conteúdo oral mínimo.

O site explora a "evidente afinidade que existe entre o galego e o português" para combater a "situaçom de forte desavantagem" do nosso idioma a respeito do castelhano na Galiza. A "luita" contra este desequilíbrio foi o motivo principal polo qual se lançou este espaço.

(Informaçom de 27 de dezembro publicada no Portal Galego da Língua)

Escrito ?s 01:51:04 nas castegorias: Formaçom
por maesepais   , 136 palavras, 614 views     Chuza!
IMAGENS DA VISITA DO APALPADOR A COMPOSTELA E VIGO

28-12-10

Achegamos um vídeo da visita do Apalpador a Compostela e umha galeria de fotos da visita a Vigo:

Galeria de fotos do Apalpador em Vigo.

Escrito ?s 09:48:22 nas castegorias: Iniciativas
por maesepais   , 25 palavras, 366 views     Chuza!
ATAQUE SEM PRECEDENTES AO ENSINO DOMÉSTICO NO REINO DA ESPANHA

24-12-10

Na actualidade som muitas as pessoas a dialogar e trabalhar para ser reconhecido o ensino doméstico como outra opçom educativa. No contexto espanhol destacam iniciativas recentes como o blogue HOMESCHOOLING SPAIN a trabalhar na coordenaçom das pessoas que educam na casa.

O caso de dous casais de Málaga que educam os filhos fora da escola contra a vontade dos serviços sociais fracassou depois do Tribunal Constitucional ter decidido que na lei espanhola a educaçom em casa nom é um direito e que as crianças tenhem que submeter-se a um sistema formal de ensino.

O Tribunal Constitucional (TC) declarou que a Constituiçom permite ao legislador estabelecer um sistema de educaçom básica obrigatória e nom reconhece o direito dos pais de educar os filhos em casa.

Numha sentença que acaba de ser publicada, o Tribunal Constitucional ignorou os argumentos apresentados polos dous casais de homeschoolers que estavam sendo pressionados polos serviços sociais para enviarem os filhos à escola.

Sob a lei da Protecçom de Menores, o Ministério Público pediu ao Tribunal que ordenasse a matrícula imediata das crianças na escola. Os pais argumentaram que "a Constituiçom nom ordena a escolaridade obrigatória no sistema público" e salientaram que os seus filhos recebem umha educaçom mais adequada do que a educaçom proporcionada nas "salas de aula, públicas ou privadas, com 30 ou 40 alunos." Os seus filhos falam cinco línguas, tocam instrumentos musicais e aprendem matemática, ciências, línguas e ética.

Todos os argumentos dos pais foram rejeitados. O Tribunal (em Málaga) respondeu ao pedido do Ministério Público e ordenou a frequência escolar para os menores. O juiz argumentou que a Constituiçom espanhola "nom permite que os pais neguem às crianças o direito e a obrigaçom de participar no sistema de educaçom formal."

O tribunal acrescentou que a exclusom do sistema formal pode criar aos menores "sérios problemas no seu futuro desenvolvimento", tanto academicamente (em referência às dificuldades de acesso à universidade) como em termos sociais e de integraçom com outras crianças da mesma idade.

A decisom foi protegida polo Tribunal Provincial de Málaga. O Tribunal Constitucional rejeitou o pedido dos pais.

A decisom afirma que "o direito dos pais de escolher para os filhos umha educaçom fora do sistema de ensino obrigatório por razons de pedagogia nom se enquadra em nengumha das reconhecidas liberdades constitucionais".

Também indica que a Constituiçom nom proíbe ao legislador [o poder] de estabelecer um sistema de ensino básico obrigatório "como um período de matrícula", durante o qual "é excluída a possibilidade" de ensinar os filhos em casa em vez de na escola.

No entanto, observa que a opçom da escolaridade obrigatória nom é exigida pola Constituiçom, mas é umha opçom legislativa que a Constituiçom nom proíbe e, portanto, "nom pode descartar outras opçons legislativas para incorporar algumha flexibilidade no sistema de ensino e, em particular, na educaçom básica."

Escrito ?s 05:12:11 nas castegorias: Formaçom
por maesepais   , 467 palavras, 553 views     Chuza!
"FARO DE VIGO" REFERÊNCIA ACTIVIDADE DE AGARIMAR NESTE NATAL

22-12-10

As actividades programadas para este mês de dezembro pola nossa associaçom em Vigo fôrom recolhidas pola jornalista Natália Álvarez em meia página do suplemento "Vigo 4 costados" publicado no jornal "Faro de Vigo" o passado dia 21.
Além dumha simples recolhida da programaçom, o trabalho jornalístico resumiu perfeitamente o espírito da associaçom e o seu trabalho.

APALPADOR

No mesmo artigo anuncia-se também a festa que para a chegada do Apalpador tem preparada a nossa associaçom na praça da Vila para a quinta-feira dia 23 a partir das 18h00.

Pode-se aceder ao artigo do "Faro de Vigo" com só premer aqui.

Achegamos algumhas imagens do obradoiro de brinquedos do passado dia 17 de dezembro no local da associaçom em Vigo:

Escrito ?s 17:04:58 nas castegorias: Iniciativas
por maesepais   , 115 palavras, 468 views     Chuza!
TAMBÉM EM COMPOSTELA... O APALPADOR

21-12-10

DIA 22

18h00 Cozinha miúda: vamos fazer o bolo para o Apalpador! (para crianças e acompanhantes)
ORGANIZA: AGARIMAR

DIA 23

16h30 obradoiro de brinquedos (com materiais reutilizados; impartido por umha educadora ambiental de Adega)

18h00 Chegada do Apalpador
as crianças prepararám umha merenda e depois faremos a ruada polo bairro com o Apalpador

22h00 Actuaçom: Carlos Meixide e Tomás Lijó no papel de.... "Rui e Nuno. O duo mais oportuno".
Sorteio do cabaz de natal

E ainda haverá a LOJA DE NATAL:

Durante os dias 22 e 23 estarám disponíveis para venda dúzias de produtos de diferentes colectivos que poderám ser ideais prendas de Apalpador. Música, livros, roupa, objectos decorativos, filmes, mochilas ou calendários. Comprando estes produtos (que nom encontraredes nas lojas dos centros comerciais) estaremos adquirindo óptimos presentes e ajudando a manter vivos muitos projectos galegos que precisam da vossa ajuda.

Escrito ?s 01:41:58 nas castegorias: Iniciativas
por maesepais   , 138 palavras, 440 views     Chuza!
O APALPADOR EM VIGO

18-12-10

Na próxima quinta-feira dia 23 de dezembro aguarda-se a chegada do barbudo carvoeiro ao centro histórico da cidade olívica a partir das 18h00.
Será a praça da Vila de Vigo o cenário escolhido pola nossa associaçom para dar-lhe a bem-vinda ao apalpabarrigas com a celebraçom dum magusto aproveitando as últimas castanhas do ano e acompanhando a sua chegada com música ao vivo.
Segundo informaçons chegadas directamente das trasnas e trasnos do bosque onde mora o Apalpador, o nosso amigo virá cargadinho de castanhas e presentes para as crianças que se acheguem à praça da Vila a recebê-lo.

Escrito ?s 11:53:55 nas castegorias: Iniciativas
por maesepais   , 96 palavras, 448 views     Chuza!
APRESENTAÇOM DE "VICENTINHO E AS ÁRVORES DA PAZ" EM COMPOSTELA

15-12-10

No próximo sábado 18 de dezembro o C.S. A Gentalha do Pichel acolherá a apresentaçom dum novo trabalho de Servando Barreiro, desta volta junto com o grupo Touporroutou.

O ato, organizado por Agarimar em parceira com A Gentalha, transcorrerá a partir das 18h00 e além de contar com a presença do sócio e colaborador habitual da nossa associaçom, Servando Barreiro, contará com Nilson Leite, um outro sócio de Compostela, a fazer globoflexia para as crianças.

Escrito ?s 16:09:47 nas castegorias: Iniciativas
por maesepais   , 74 palavras, 378 views     Chuza!
OBRADOIRO DE BRINQUEDOS EM VIGO

13-12-10

Na próxima sexta-feira 17 de dezembro a partir das 18h00 decorrerá no Espaço para a criança Folhas Novas - Agarimar (Rua Real, 12) de Vigo um obradoiro de brinquedos para acompanhar as festas desta temporada da melhor maneira possível.

As crianças descobrem o mundo usando constantemente os seus sentidos. É preciso que os materiais con que o descobrem lhes acheguem informaçom sobre a cor, peso, forma, textura, tamanho, som... e que lhes transmitam ao tacto sensaçons diferentes (a contrário do que sucede com o material plástico).
O jogo simbólico livre é o meio natural de expressom da criança (a contrário das pessoas adultas que se expressam sobretudo verbalizando), constitui a base para a capacidade de simbolizaçom e abstracçom, permite-lhes às crianças digerir experiências vividas difíceis de assimilar, incorpora realidades concretas aos seus bosquejos mentais, e vale-lhes para colaborar com outras crianças trocando papeis, aprendendo a ver o ponto de vista do outro e saindo do egocentrismo infantil.

Escrito ?s 12:20:50 nas castegorias: Iniciativas
por maesepais   , 154 palavras, 321 views     Chuza!
CANTIGAS EM VIGO COM SERVANDO BARREIRO

07-12-10

Na próxima sexta-feira dia 10 às 18h00 transcorrerá um novo obradoiro de cantigas com Servando Barreiro no Espaço para a criança "Folhas Novas" - Agarimar (Rua Real, 12) da zona velha de Vigo.
Recordamos a possibilidade de assistir com instrumentos musicais para fazermos um trabalho participativo.

Escrito ?s 16:12:40 nas castegorias: Iniciativas
por maesepais   , 43 palavras, 625 views     Chuza!
POLO NATAL... CHEGA O APALPADOR!

02-12-10

Com a chegada de dezembro, e à espera da confirmaçom de datas da visita do Apalpador às distintas comarcas, vamos lembrando ao velho barbudo com este fermoso conto.

Mais informaçom: o blogue do Apalpador.

Escrito ?s 01:06:11 nas castegorias: Formaçom
por maesepais   , 34 palavras, 434 views     Chuza!

<< 1 ... 5 6 7 8 9 10 11 12 13 14 15 ... 17 >>

        Julho 2017
        Seg Ter Qua Qui Sex Sab Dom
         << <   > >>
                  1 2
        3 4 5 6 7 8 9
        10 11 12 13 14 15 16
        17 18 19 20 21 22 23
        24 25 26 27 28 29 30
        31            

        INICIATIVAS

              Gravidez e Parto:

                    Recursos:


                    Busca

                  powered by b2evolution free blog software