
já em duas ocasions solicitámos à cámara municipal a mudança de nome dumha das praças mais centrais de compostela. Mais deum ano depois da primeira instáncia, ainda nom recebemos resposta institucional. É por isso que parabenizamos quem agiu pola via dos factos consumados...
A seguir mostramos-vos o conteúdo da instáncia que foi entregue no Registo Municipal:
A GENTALHA DO PICHEL
EXPOM
1. Que já há muito tempo que os movimentos sociais mais comprometidos com o progresso e a normalizaçom lingüística de esta cidade tenhem solicitado por todos os meios a recuperaçom do nome do nosso País: GALIZA. Um dos mais claros exemplos de reivindicaçom organizada encontramo-lo na chamada ?Proposta Galiza?, que em 2001 publicava um manifesto assinado por numerosas e representativas figuras da vida cultural galega. (*ver anexo)
2. Que esta reivindicaçom, absolutamente maioritária no seio do ?galeguismo? do último século, continua vigente hoje em dia, e continua a representar o símbolo da insubmissom à espanholizaçom lingüística da sociedade galega.
3. Que o nome GALIZA representa a opçom maioritária e consensual dos diferentes sectores normalizadores da sociedade.
4. Que a forma GALIZA é, segundo as Normas Ortográficas e Morfolóxicas do Idioma Galego (NOMIGA) editadas pola RAG e o ILG, ?umha forma legitimamente galega, amplamente documentada na época medieval, que foi recuperada no galego contemporáneo?; é, portanto, absolutamente legal.
5. Que a galeguidade da forma GALIZA e a conveniência do seu uso está, também, sobradamente justificado por ilustres figuras do ámbito filológico galego. (Ver documentos anexos de J. Montero Santalha, J. A. Souto Cabo, X. Henrique Costas, Manuel Ferreiro).
6. Que a insistência por parte das instituiçons na manutençom da forma espanhola GALICIA nom é neutral, e que representa um claro alinhamento com as posiçons mais reaccionárias, conservadoras e inimigas da nossa língua.
SOLICITA
Que, de acordo com a legalidade e as exigências dos movimentos normalizadores de esta cidade, seja modificado o nome da emblemática praça compostelana ?de Galicia? polo de ?da Galiza.
http://www.agal-gz.org/modules.php?name=News&file=article&sid=2674
http://www.agal-gz.org/modules.php?name=News&file=article&sid=3330