O povo galego tem demonstrado, mais umha vez, que gosta, quer e defende o nosso património. As mais de 70 pessoas que se reunirom na Gentalha do Pichel para participar da palestra dirigidas por Antón Malde e Manuel Gago assim o demostram. Forom duas horas dumha exposiçom brilhante em que os eixos básicos da intervençom forom o conhecimento dos enigmas da Arqueologia galega em geral, e da jazida de Penafurada em particular, e umha defesa ativa e rotunda do nosso património.

Leia mais »

Cerca de um cento de pessoas acompanhárom este segundo roteiro toponímico pola cidade. Nesta ocasiom, como sabedes, o percurso escolhido foi o traçado da antiga muralha, fazendo diferentes paragens que nos permitírom conhecer o sentido e a origem dos nomes das portas -Maçarelos, Pena, Vale de Deus, Faxeira...- e de muitas emblemáticas ruas e praças da nossa cidade que nem sempre tinham explicaçons tam evidentes: Solóvio, Algálias, Preguntoiro, Praça do Campo ou do Pam, Atalaia, Toural (ou Toral?), Esterqueira, Castro...

Esperamos poder continuar a desvendar de que falam as nossas ruas num próximo roteiro que oxalá conte com tanta participaçom com este!

o sábado 18 de fevereiro às 14h30, se che apetece desfrutar dum bom cozido de entrudo, tés a oportunidade!!! avisa-nos polo correio electrónico, deixando aqui um comentário ou passando polo centro social, antes do dia 14 de fevereiro, que a carne nom se demolha/dessalga só!!!. O preço é de 12 euros sócixs e 15 nom sócixs!

e depois... saímos de comparsa por compostela!

Amanhá, sábado 4, começamos a preparar a comparsa picheleira, este ano com umha temática muito especial...
Combinamos no Pichel às 20h30 para ir elaborando as cançons.
Aguardamos-te!!!

Este domingo, às 11h da manhá convoca-se umha jornada de trabalho no local da Semente (Salvadas 47, na Vista alegre). Abriremos umha senda até o rio, pintaremos o galinheiro, e algumhas outras cousinhas que cumpre fazer. Anima-te, aparece e pom o teu grau de areia!

de que falam as ruas de compostela?
um passeio polos nomes dos lugares da zona velha seguindo o traçado da antiga muralha
visitaremos a exposiçom "compostela dicitur" na casa do cabido e saberemos como era a nossa cidade no século XIII

com o especialista em toponímia Xosé Ramón López Boullón

domingo 5 de fevereiro
16h30 na porta de maçarelos

No próximo domingo 5 de fevereiro às 16h30 a Gentalha do Pichel organiza o segundo roteiro toponímico, nesta ocasiom pola zona velha de Compostela .

Depois da primeira visita polo bairro de Sam Pedro, agora continuamos a conhecer compostela pola sua zona mais emblemática: o casco histórico.

A ideia é darmos um passeio seguindo o antigo traçado da muralha e conhecer um pouco mais a história da cidade através dos nomes das suas ruas e lugares actuais e passados. Acompanhará-nos o especialista em toponímia compostelana Xosé Ramón López Boullón.

Saberemos de onde vem o nome de Belvis, do Castrom D'ouro, da Mámoa, do Val de Deus, Atalaia, Entremuros, Pexigos, Trompas, Loureiros...

E para conhecermos melhor a compostela medieval, visitaremos a exposiçom da Casa do Cabido "Compostela Dicitur", onde poderemos visitar as ruas, nomes e lugares do século XIII.

Queríamos convidar-vos a participar do passeio e também perguntar-vos se conhecedes alguém que queira informar dos nomes "nom oficiais" (os nomes tradicionais que nom aparecem no mapa).

Esperamos ver-vos!
Abraços

Embora no verao A Gentalha do Pichel continue a trabalhar e albergar atividades, as vezes temos de diminuir o rimo porque algumha de nós marcha de ferias bem merecidas. Com todo este ano muitas das nossas comissons seguem, e se che parece interessante podes passar polo Pichel para ver como trabalhamos e em que podes colaborar.

• Meio Natural: Segundas-feiras 21:30h
• Memória Histórica: Terças-feiras, 20:30h
• Cultura e novas criaçons: Terças-feiras, 20:15h
• Local: Quartas-feiraa, 20:15h

O nosso novo projecto com o que estamos mui entusiasmados

Desde A Gentalha do Pichel nom contamos nada novo às nossas pessoas
cercanas se dizemos que as relaçons com o Concelho de Santiago de
Compostela foram sempre, como mínimo, conflitivas. Desde o nosso
nascimento temos sofrido inúmero atrancos das autoridades municipais
na forma de denegaçom de licenças, multas com variada origem, boicotes
activos e passivos e a contínua ocultaçom das nossas atividades.
Aprendemos a viver e escapulir desta onipresente mole escura que
pretende fazer sombra sobre o nosso projecto com intençom de que
murchemos no abafo. Forma já parte da nossa logística de cotio
aguardarmos sempre o pior das autoridades e artilhar o nosso trabalho
com isto presente. A sua agressom resultanos já indiferente, só
molesta, e o projecto que partilhamos entre nós da-nos forças
suficientes para seguir adiante.

Porém nom toda a vizinhança de Compostela tem um ponto de referência
unitário tam forte coma nós: A meirande parte da cidadania afronta em
solitário os ataques, a indiferença ou as consequências da má gestiom
do bipartito santiaguês; e só têm como como opçom enfrontada umha
segura maioria de (mais)espanholismo neoliberal na forma do Partido
Popular. Somos testemunhas cada dia da impotência das nossas vizinhas
e vizinhos perante esta situaçom e da sua petiçom silenciada dumha
saída social, consensuada, de base, participativa e aberta ante a
crise social e econômica. A Gentalha do Pichel nom pode pois, ficar
com os braços cruzados, sempre resistindo mas nunca atacando. E mais
quando contamos com a experiência organizativa que nos permite
oferecer um marco de trabalho ideal neste contexto. Desde o começo da
nossa andaina tivemos claro que o nosso objectivo diretor era
integramos o projecto da Gentalha do Pichel vida diária das gentes e
dos bairros de Compostela, chegou pois o momento de dar o seguinte
passo, aliás de integrar as gentes e os bairros no nosso projecto.

Por isso as pessoas que conformamos a Gentalha do Pichel temos
programado nas passadas semanas e meses múltiplos contacto com
associaçons vizinhais, colectivos cívicos e culturais, entidades
políticas e sociais presentes na cidade para construirmos juntos umha
alternativa viva e nova. As respostas estám a ser mais favoráveis do
que poderíamos imaginar, o que confirma que nom estávamos errados na
nossa analise. Por isso hoje damos o passo de comunicar publicamente o
esquelete dum grande projecto cidadam que começa a tomar algo mais que
forma: Com os alicerces da nossa experiência e longa data na gestiom
e promoçom dum centro social participativo estamos dispostos para
apresentar umha alternativa vizinhal de base perante as limitadas e
râncidas opçons presentes nas futuras eleiçons municipais. Esta
plataforma da VIZINHANÇA POLA VIZINHANÇA pretende integrar todos
aqueles nom contentes com a situaçom atual, mas orgulhosos da sua
cidade e das suas gentes tenham espírito para agir no dia a dia. Todos
os interessados souberam valorizar a experiência prévia da Gentalha do
Pichel e concederam-nos a honra de gestionar desde a nossa possiçom
decana os planos do projecto, encargo que nos enche de alegria e
também de responsabilidade.

Por todo o anterior hoje anunciamos a constituiçom pública da
plataforma eleitoral VIZINHANÇA POLA VIZINHANÇA e que já foi inscrita
no registo para podermos participar nas próximas eleiçons à câmara.
Nas próximas semanas as assembleias tuteladas de participaçom aberta
seram convocadas no nosso local e mais informaçom será disponibilizada
ao público.

Na Gentalha estamos de estreia porque umha nova actividade pom-se em andamento neste sábado 7 de Novembro a partir das 22h: "As noites de pinchada".

Tu que sempre acabas a desgosto com a música que passamnos bares e pubs onde vás, tu que sempre pensas "se me deixassem a mim…" Pois agora já nom tés excusa, desde este sábado, e umha noite por mês, a Gentalha oferece-te a possibilidade de "pinchar" a música de que gostas no Pichel.

Leia mais »

O próximo 5 de Novembro às 18h00 festejamos o primeiro aniversário de vida do clube de leitura Anna Politkovskaya. Achamos a melhor maneira de festejá-lo lendo um livro da autora que nos dá nome, e convidando ao professor Carlos Taibo a que nos ajude a compreender a situaçom de Chechénia, situaçom que Anna Politkovskaya conhecia bem de perto, situaçom sobre a qual escreveu como repórter no seu jornal e no livro que nós lemos para esta ocasiom: Chechénia, a vergonha russa.

Hoje, 5ªfeira 29 às 21h no Pichel estará Celso Fernandez Sanmartin com contos relacionados com esta época: o outono, as pessoas defuntas, as castanhas...

Leia mais »