Categoria: Fotos
MAIS UMHA CRÓNICA FOTOGRÁFICA: o festival dos cursos da Gentalha
No dia 17 de Junho de 2011 algumhas das alunas e alunos dos cursos da gentalha participárom no festival. O festival foi na rua de baixo e tivo representaçom dos cursos de capoeira, esgrima, dança tradicional 1 e 2, percussom tradicional e pandeireta.
CRÓNICA FOTOGRÁFICA: o roteiro toponímico por Sam Pedro
No passado sábado dia 25 de junho, com temperaturas que superavam os 35 graus, um ousado grupo de pessoas percorreu as ruas do bairro de Sam Pedro acompanhado do filólogo Xosé Ramón Lopes Boulhom, que nos foi desvendando muitas das histórias que se escondiam atrás dos nomes das ruas.
Apesar das condiçons climatológicas adversas, o passeio foi um autêntico prazer.
Proximamente disponibilizaremos um documento resumindo algumhas das origens toponímicas mais interessantes.
FOTOS DO COZIDO DE ENTRUIDO
fotos do cozido de entruido do 2011 organizado pola comissom gastronómica
Escrito em 12-03-2011,
na categoria: Fotos, gastronómica
|
FOTOS E CRÓNICA DA NOITE LIBANESA
A noite libanesa do Pichel fijo umha pequena achega ao conhecimento deste pequeno mas convulso país do Médio Oriente.
Depois da exibiçom dos filmes West Beirut e Caramel tivo lugar a degustaçom gastronómica. As e os assistentes pudérom experimentar pratos tam típicos como o hommos, babaganush, mujaddara, tabule ou o faláfel. Para a sobremesa contámos com a colaboraçom do Elie, libanês e compostelano proprietário da única loja que vende doces árabes na nossa cidade, e como nom podia faltar fumámos umha arguile.
A paparoca foi acompanhada da música da mais grande cantora libanesa, Fairuz, a “embaixadora das estrelas”, assim como de outros clássicos da música libanesa.
A seguir a festa estendeu-se por um par de horas com música mais comercial, transferindo um bocado da noite beiruti ao Pichel.
A isto todo somamos a exposiçom fotográfica colocada nas paredes do café do centro social. Diversas imagens da capital libanesa e do país em geral, estampas que deixam constáncia da agitada e dramática história recente do Líbano mas também da sua incansável vida e capacidade de reconstruçom.
AS FOTOS DA TERTÚLIA SOBRE OS 20 ANOS DE NORMALIZAÇOM
O debate com o Alonso, A Goretti, o Maurício e a Isabel prolongou-se até quase a meia-noite. Esperamos que estes interessantes encontros podam repetir-se em mais ocasions e podermos abrir assim um espaço para a reflexom.
SEMENTE
Associa-te à Gentalha
Para te associares, clica no alien:
RECEITAS
Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.
Documentário Quatro anos de Gentalha já na rede!
AGENDA DE EVENTOS
Consulta na imagem de cima todos os eventos. (actualizada a 20 de maio de 2011)
Ligaçons
A Gentalha participa em:
Entidades associadas ao Pichel:
Centros Sociais:
O blogue do Apalpador
