Hoje de manhá o programa foi apresentado publicamente em conferência de imprensa.
Como sabedes, o voluntariado consiste em pôr em contacto pessoas que falam galego habitualmente com pessoas que nom o dominam oralmente (venham ou nom de fora da Galiza), para lhes proporcionarmos um ámbito comunicativo. Nesta fase, quase 100 pessoas das mais diversas nacionalidades (Polónia, Grécia, América Latina, Marrocos...) apontárom-se ao programa, destacando significativamente a participaçom catalá, que atinge quase 20% do total. Por volta de 45 pares estám já a materializar os encontros desde há umha semana.

Organizado pola Gentalha do Pichel e pola AGAL (Associaçom Galega dea Língua), esta primeira fase do programa tem umha duraçom aproximada de 3 meses. Ao longo deste período as pessoas participantes no programa serám informadas de todo o tipo de actividades relacionadas com a língua que forem celebradas na comarca.
Concluiremos em Junho com a celebraçom de umha grande festa multicultural.