EM COLABORAÇOM COM FESGA
Nas três proximas sextas-feiras as 21h30, preludiando o Primeiro de Maio projectaremos os documentários seguintes:
Ferreiros
dum mundo melhor
Neste DVD recolhe-se, através das greves gerais, umha parte importante da história do movimento obreiro galego desde a queda da ditadura franquista. As greves gerais som a expressom prática mais destacável da luita dos trabalhadores e trabalhadoras por melhorarem as condiçons laborais, mas também, com freqüência, por exigiren mudanças económicas, sociais e políticas. Até hoje, na Galiza, as dez greves gerais que se realizárom desde 1984 fôrom um êxito, aumentárom o nível de organizaçom e consciência do pessoal assalariado, e nelas estivérom presentes as reivindicaçons nacionais.
LIÇOM DE DIGNIDADE
Neste DVD relata-se e analisa-se a greve dos trabalhadores e trabalhadoras de Transportes La Unión, um paro que demorou 121 dias, e que se converteu assim no mais longo dos realizados na Galiza. Seria impossível umha luita tam dilatada no tempo se nom houvesse fortes motivos de fundo, um apoio importante sindical, e a solidariedade da populaçom das comarcas atingidas pola greve. Precariedade laboral e incumprimento do convénio, perda salarial, prepotência patronal, arbitraríedade por parte da Junta e das autoridades laborais, posturas entreguistas de alguns sindicatos, umha aplicaçom da justiça que nom tem os olhos vendados, etc. fôrom a outra face da moeda a umha atitude da classe obreira exemplar. Cumpre lembrarmos estes factos, tirarmos conclusons que nos sirvan para umha releitura do momento histórico em que vivemos e também de aprendizagem para agirmos con mais eficácia nas luitas reivindicativas futuras.
METAL EN LUITA
A negociaçom colectiva do convénio do metal da província de Ponte Vedra é a mais importante da Galiza, tanto polo número de pessoas que abrange, por volta de 25.000, como pola capacidade mobilizadora dos trabalhadores e das trabalhadoras do sector e os avanços que se conseguírom em matéria laboral nas últimas décadas. Durante a negociaçom do ano 2006 mais umha vez reflectiu-se esta realidade: nove dias de greve, dúzias de milhares de pessoas a manifestarem-se na rua, assembleias massivas que marcavam os passos a seguir e que decidírom tanto o texto do ante-projecto como a aceitaçom ou nom aceitaçom na Mesa de Negociaçom un acordo definitivo. Todo um exemplo de participaçom e de luita da classe obreira que queremos divulgar através de este documentário.
Escrito em 10-04-2007,
na categoria: Comissons, memória histórica
|