Já está aqui à volta... vas perder a festa?

Seguimos a desenvolver pouco a pouco o programa para a festa do dezassete da Gentalha que se vai celebrar neste sábado 12 de Maio nas praças do 8 de Março e do pam (cervantes) em Compostela.

A partir das 20h30 darám começo os concertos. Este ano seremos pontuais pois temos de deixar a praça do 8 de Março às 02h:

Brasucas: grupo composto por vários brasileiros que vivem na Galiza. A sua música encontra as suas raízes na música popular brasileira com composiçons originais mais também com versons dos compositores e compositoras mais conhecidas do Brasil.

Sobressaltos: ?punk de intervençom; punk é atitude de combate..? toda umha declaraçom de princípio destes lisboetas que venhem por peimeira vez à Galiza. Umha ocassom única para conhecer qual é a saúde do punk português actual. Com certeza nom vamos ficar indiferentes. Podedes encontrar mais informaçom no seu blog: www.myspace.com/sobressaltos

Ataque escampe: rock de série B em galego, sem dúvida umha das relevelaçons musicais deste ano 2007. Apenas um EP na Regueifa e as suas letras já se cantam de memória nos seus concertos.
Tom Waits, Neil Young ou o mesmo Josele parecem estar atrás deles... nom fiquedes sem desfrutar das cançons dos Ataque Escampe. http://ataqueescampe.blogspot.com/

Kastomä: Que dizer dos Kastomä. Veteranos já na música rock galega. Já som sete anos ensaiando ? ao sair de trabalhar, no tempo livre que bem aproveitamos cunha afiçom ruidosa mais entretida (...) tocando em garitos e festivais galegos?. Nos temos claro o que vamos tomar neste sábado a noite no concerto destes ordenses especialistas em fazer das suas actuaçons performances inesquecíveis, e vos?
http://kastoma.blogspot.com/

Cuchufelhos: banda multicultural com influencias musicais tam diversas como os seus componhentes, de Maçeda à Alemanha. A formaçom remonta-se ao ano 1998 e quase todos os seus integrantes participarom antes noutras formaçons musicais. Dim que som estupendos para animar qualquer tipo de festa rachada acompanhada por um bo licor café. Haverá que comprobá-lo.

O resto do programa começa a isso das 11h30 com a tradicional animaçom de rua a cargo de Rodando as ruas, Os veraneantes e O Quarteto da gentalha. Já às 13h30 na praça do 8 de Março excepcional sessom vermu amenizada polo Duo ases que nos fará dançar para irmos abrindo o apetite. Para aquel@s que tenham fame, e também na praça do 8 de Março, às 14h30 temos-vos preparado um jantar com polveiras (ao vivo!) e churrasco. O preço vai ser de 15 euros e podedes comprar o vosso bono no Pichel (santaclara 21 de 18h a 23h) já que as praças som limitadas.

A isso das 16h, mas na praça do pam, teremos um obradoiro de brinquedos sonoros especialmente dedicado às crianças e a seguir, às 17h30, teatro de rua com umha peça das Esmorganas de Ourense. Por último justo antes dos concertos, às 19h30, apresentar-se-á na praça do 8 de Março o documentário realizado polo Foro da mocidade de Compostela Usos lingüísticos da mocidade compostelana.