
Perante a indecência desta gente, que quer concluir o extermínio cultural da Galiza e que, ao parecer, pensa inaugurar hoje em Compostela o seu particular tour espanholizador, dizemos que:
EU NUNCA SEREI YO
Nunca, nunca. Que vos fique clarinho. Nem yo, nem eu/yo, nem yo/eu, como ridiculamente nos fazedes crer que pretendedes. Nunca nos tornaremos bífid@s para acalmar a vossa histeria, que nom descontrai nem ao pé dos vossos, em Génova ou no Paseo de la Castellana.
Para lá, para Madrid, devia partir este autocarro da indecência e da mentira para nunca mais voltar. Aqui deixai-nos em paz. Deixai-nos recuperar o que nos roubastes em séculos de repressom e humilhaçom. O apelidos que deturpastes, os topónimos barbarizados, os textos que espanholizastes, as geraçons inteiras de galegos e galegas que obrigastes a falar a língua genocida da imposiçom, voltarám à normalidade que vós queredes convertir em guerra.
Esse dia vós já estaredes mui longe, porque nom suportades a falta de uniformidade. E nom teremos saudades vossas, ninguém se lembrará de vós, nem sequer para vos meter no panteom de Paco Vázquez, Touriño e outros espanhóis rupestres.