Mais um ano compostelanas e compostelanos vemos como a Cámara Municipal de Compostela tira à rua um improvisado e pobre programa para estas festas. Este ano nom se deixárom de sentir as críticas à programaçom saída no último momento e mesmo bastante precária em comparaçom com as outras ediçons dos anteriores anos.
Comprovamos que com 200.000 euros organiza umha fraca bateria de actuaçons onde o papel da cultura galega fica reduzido ao ámbito do folclore. Assim, recorre-se a grupos de danças tradicionais, orfeons, charangas, bandas e orquestras e grupos locais com contrataçons a baixo custo a jeito de recheio arredor do papel central do grupo espanhol M-CLAN e do grupo jamaicano Ruanaway.

Continua:

O Departamento de festas com Vaqueiro à cabeça organiza de jeito unilateral os actos para estas e outras datas sem contar com a participaçom e opiniom da vizinhança compostelana, associaçons vizinhais e sociais e culturais porque segundo ele para isto foi votado. Da Gentalha do Pichel queremos expresar a nossa disconformidade ante o tipo de festas que por parte do concelho se estám a organizar e em que a participaçom das redes do tecido associativo , cultural e vizinhal é inexistente.
Pensamos que todas aquelas mostras culturais propriamente galegas devem ter um papel central e nom complementar, sem ser umha simples soluçom para economizar o orçamento das festas
Para além disto, somos totalmente contra da dinámica de as actuaçons do grupos nacionais e locais estarem sempre a “apoiar” grupos foráneos dos “40 principales” que nom precisam de ser subsidiados com dinheiro público e que nom oferecem enriquecimento cultural de nengum tipo.
Reivindicamos por todo isto que a organizaçom das festas integre as próprias pessoas de Compostela, as associaçons e os grupos locais que desejarem participar. Sempre com a máxima dumha compostela 100% em galego!!!