Temos mais umha vez que lamentar umha política lingüística artificiosa e irreal, alheia aos movimentos sociais e ao povo de Compostela.
A actual vereadora de Normalizaçom Lingüística, Guadalupe Rodrigues parece ser fervorosa admiradora da sua homóloga autonómica Marisol Lopes. Assim o constata o desenvolvimento de umha poítica lingüística municipal baseada no folclorismo e nas aparências.
Pouco se pode esperar de quem nom só vive normalmente em espanhol, mas de quem, já sendo vereadora de Língua, se tem dirigido à imprensa em castelhano. Provoca desta maneira um triste paradoxo e incumpre a própria legalidade municipal que obriga a toda e todo representante municipal a falar publicamente só em galego.
As e os que se dizem nacionalistas, também nesse governo municipal, tehem deixado em maos de umha incompetente (com elas e eles nom era muito melhor) a responsabilidade por umha política lingüística que pagamos todas as compostelanas e compostelanos. Umha pessoa que acha que trabalhar polo galego é simplesmente fazer cousas em galego.
Entretanto, as associaçons e colectivos que trabalhamos dia a dia polos nosso direitos lingüísticos, que acreditamos numha Compostela e numha Galiza em galego, somos silenciadas com umha convocatória de subsídios anual em que aliás, é marginalizada toda posiçom nom oficialista em relaçom à ortografia da língua. De pouco serve ser referencial no trabalho normalizador na cidade, desenvolver todo o tipo de actividades na nossa língua ou criar um espaço exemplar de normalidade do galego.
Isto somado a série de impedimentos que organizaçons como a nossa encontram no caminho, ano após ano, quando decidimos desenvolver um programa de actividades dignas para festejar o dia das nossas Letras e perante o qual só recebemos as costas da instituiçom municipal.
Porque a política lingüistica real nom interessa, só há dinheiro para o fogo de artifício, para folclore, para as ceias em hotéis de 5 estrelas. Assim é o Prémio Manuel Beiras, o grande evento de ?Normalizaçom Lingüística? de Compostela em que se tenhem premiado nomeados inimigos da língua como o grupo El Correo Gallego.
Mais dessa Compostela parque de diversons aculturado para o turismo de massas, mais dessa cidade em que os movimentos sociais som silenciados e a cultura enlatada.
Podem estar orgulhosas e orgulhosos de Lupe em S. Caetano, cá tenhem umha boa responsável para fazer que a nossa língua morra, isso sim de maneira bonita e com umha boa foto no jornal.
Este ano como nos anteriores e nos próximos continuaremos a trabalhar polos nossos direitos, pola nossa cultura, pola nossa língua. Porque falamos galego e em galego vamos viver!
Por umha política lingüistica municipal real,
Compostela SÓ em galego!