O vindouro 30 Janeiro às 20h00 o Pichel acolherá umha palestra de Carlos Solha intitulada "Monte Seixo e Mitologia".

Ao seu remate, sobre as 21h30, terá lugar a partida de rol “1939”. Anima-te a participar! Escolhe personagem e anota-te no telefone 686015657 (data limite 26 de janeiro).

Continua:

Argumento da partida:

Inverno de 1939. A aldeia de Tomonde, ao pé do monte do Seixo, sofre, igual que o resto do país, os estragos da guerra. Mas além da miséria e a repressom há algo terrível e desconcertante que enche de temores a vizinhança. No que vai de inverno já desaparecérom tres crianças de poucos meses de idade e o temor asulaga os coraçons de todos. Todos sospeitam de todos, algúns dizem que foi obra dos guerrilheiros que ressistem no monte, outros falam da guarda civil, outros contam pola baixa que o cura fixo um pacto com o dianho, e outros sinalam um estranho militar alemám que leva uns meses vivindo na casa do cura. Ante a situaçom de crise e ante umha possível revolta popular (nom som poucos os suspeitosos de colaborar com os guerrilheiros), as autoridades locais convocárom umha reuniom a notinha do 30 de janeiro na igreja para intentar esclarecer a situaçom.