Na Gentalha estamos de estreia porque umha nova actividade pom-se em andamento neste sábado 7 de Novembro a partir das 22h: "As noites de pinchada".

Tu que sempre acabas a desgosto com a música que passamnos bares e pubs onde vás, tu que sempre pensas "se me deixassem a mim…" Pois agora já nom tés excusa, desde este sábado, e umha noite por mês, a Gentalha oferece-te a possibilidade de "pinchar" a música de que gostas no Pichel.

Continua:

Para isso só tes que pôr-te em contacto com a Gentalha, por mail ou passando polo Pichel, e procuraremos umha data para a sessom. A Gentalha porá à tua disposiçom:

O Pichel totalmente ambientado para a ocasiom: iluminaçom, som…
Três horas para pinchar: de 22h00 a 01h00.
Umha mesa de misturas.
Dous reprodutores de CDs (se tés vinilos tés que trazer o teu reprodutor)
E uns quantos ouvidos ansiosos de ouvir boa música.

Só tés que cumprir um requisito: NOM PODES PINCHAR MÚSICA EM ESPANHOL!.

E para ir abrindo boca, começamos com o dj Efeito Estufa Worldsystem, que nos deleitará com a sua selecçom de Cançons do Mundo.

A que esperas!