Tarde, mas chega a crónica visual da Gaita Armada

Tarde, mas chega a crónica visual da Gaita Armada

Voltou a decorrer, já por segundo ano, a noite da Gaita Armada no Centro Social do Pichel. Desta volta foi na noite do 23 de Julho quando o nosso local acolheu umha multidom de cantores e cantoras populares que vinhérom festejar o Dia da Pátria.
A Gaita Armada é umha iniciativa da Gentalha do Pichel que tem como objectivo a recuperaçom do canto popular como feito afirmativo e comunitário. A tal efeito fijo-se umha compilaçom musical editada em dous cd?s acompanhados dum livro com as letras de quase meio cento de cançons populares e reivindicativas da tradiçom galego-portuguesa.
Tendo em conta o peso fundamental que se quer dar ao aspecto participativo era obrigado fazermos umha convocatória pública para que o pessoal vinhesse cantar connosco, e sem dúvida que o conseguimos.

Nessa noite houvo momentos em que o local ficou pequeno para as pessoas enfervorecidas que se esforçárom por demonstrar a validez daquela frase do grande Ali Primera: ?o canto para ser revolucionário deve ser eminentemente colectivo? .

E ainda que entre a multidom de vozes devemos agradecer a presença de convidadas especiais como Luz Fandinho, Manolo Bacalhau, Uxia Senlle ou o Leo, o certo é que o protagonismo correspondeu fundamentalmente ao colectivo de todas as pessoas que estivérom a cantar com melhor ou pior afinaçom, mas com muito sentimento e vontade.

Obrigado a todas e todos os que estivestes, e a quem nom puido fazê-lo animamos-vos a que venhades à seguinte ediçom no próximo ano. E daqui ali muitas vezes.
Aqui ficam uns vídeos e imagens da palestra de Antom Santos sobre o significado do Dia da Pátria e da posterior noite de canto:

A música:

A palestra:

A bem-vinda:

Luz:

Ó Rama:

Escrito em 20-08-2010, na categoria: Comissons
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          blog software