Quem vela polo galego, sra. Guadalupe Rodríguez Silva?

Quem vela polo galego, sra. Guadalupe Rodríguez Silva?

O grande número de obras que ao longo deste ano se levárom a cabo na cidade deixou evidência a grande desconsideraçom pola língua que emana das nossas instituiçons municipais.

A Gentalha do Pichel compilou informaçom sobre a língua usada em todos os sinais utilizados nas obras para desviar o tránsito ou dar informaçom relativa às mesmas aos peons.

Aproximadamente metade estavam escritas em espanhol e a outra metade estavam redigidas num galego tam deficiente que se pode concluir que melhor seria que nom tivessem sido escritas na nossa língua. Podem considerar-se galegos textos como: 'Calle cortada por obras. Acceso a garaxes'? Admitiriam as pessoas responsáveis por estes sinais textos com o mesmo número de erros em espanhol?

O Governo municipal devem cumprir com a sua obrigaçom legal de velar pola consideraçom do galego umha língua tam séria como qualquer outra. Para que pagamos os cidadaos e cidadás umha Concelharía de Normalizaçom Lingüística? É para garantir o direito dos galegos a receberem informaçom na sua língua ou para alimentar umha retórica política que apenas funciona nas campanhas eleitorais.

A Gentalha do Pichel observa com muita preocupaçom esta situaçom, apesar de nom ser recente, umha vez que o Governo Municipal, especialmente o departamento em questom, conta com legislaçom e atribuiçons para corrigi-la.

Escrito em 17-11-2010, na categoria: Comissons, lingua
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution