ILUMINAÇOM PÚBLICA E LUZES DE NATAL

ILUMINAÇOM PÚBLICA E LUZES DE NATAL


A Comissom de Meio da Gentalha vem de editar um texto e um cartaz sobre o gasto desproporcionado que suponhem as luzes de natal e, em geral, a instalaçom irracional da iluminaçom pública. Podedes consultar o texto a continuaçom

Comunicado sobre as luzes de natal e a iluminaçom pública

Para além das luzes de natal

Nestas datas tem sido habitual que as organizaçons ambientalistas se pronunciem contra o ambiente consumista e as suas manifestaçons mais evidentes nestas festas, como o aumento da produçom de lixo (e o seu destino), a origem e finalidade dos presentes, e o consumo de energia, como o que se produz ao acender as luzes da iluminaçom pública de natal.

Se nos últimos anos antes do começo da crise as demandas dos comerciantes de cada recanto da cidade por ter a sua quota de ?ambiente natalício? em luzes de cores pagas por todas e todos, tem semelhado esmorecer, o certo é que, pagas do erário público ou total ou parcialmente polas associaçons de comerciantes, com lámpadas de incandescência ou LED,s, as luzes do natal continuam ano após ano, acesas durante todo um mês.

Para além de rejeitar o consumismo e a incitaçom ao mesmo que supostamente produz a iluminaçom natalícia, e de assinalar que se poderia reduzir o período de instalaçom às férias escolares, queremos focar desta feita a atençom noutra questom bem mais grave que todo o acima exposto.

E é que se um mês de luzes ?extra? é um esbanjamento injustificável, e nom só em época de crise, é muito mais importante o estrago de energia que todos os meses do ano produz umha iluminaçom pública excessiva, sobredimensionada e absurda.

A densidade dos faróis é tal que bem se pode eliminar umha em cada duas antes de proceder a umha racionalizaçom a fundo.

Na maioria das ruas o foco de luz está situado à altura dum segundo andar, e também ainda existem modelos que projectam a luz para todas as direcçons, em vez de a concentrarem para abaixo, aumentando a contaminaçom lumínica que caracteriza as cidades do mundo ocidental e em especial o estado espanhol.

Nom menos absurdo é que existam áreas que permaneçam permanente e intensamente iluminadas sem qualquer motivo real, como zonas verdes e vias periféricas.

Como exemplo paradigmático podemos colocar o da zona verde associada ao fracassado projecto de centro comercial das Cancelas, onde umha estensa área natural, que dava acobilho a numerosa vida silvestre (maleza e bichos, na linguagem da ignoráncia malintencionada), se converteu num deserto verde repovoado densamente com umha nova espécie arvórea, o farol.

Em número de mais de 120, cumprem a absurda fumçom de iluminar nada, da bomba de gasolina da rotunda de saída à Corunha até o esqueleto do inacabado templo do consumismo.

É este também o destino que espera à natural escuridade das Branhas de Sar?

Escrito em 29-12-2010, na categoria: Comissons
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution