A Gentalha do Pichel leva muitos anos achegando o seu contributo à revitalizaçom do Entruido popular compostelano. É tarefa dificil e até houvo anos em que quase desistimos. Muitos colectivos, associaçons de vizinhas, promotores dos Generais. ANPA's... acompanham-nos e empujam-nos cada ano para, entre todas, salvar os dous obstáculos principais que este processo apresenta. Um é a intencionada degeneraçom inducida desde a esfera institucional mediante elementos alheios como carrozas e desfiles masivos. Mas ha um outro obstáculo que, com sinceriade, é o que motiva a elaboraçom deste textinho. Falamos do éxodo anual desde toda Galiza face os entruidos tradicinais de Laza, Verim, Ginzo... Esta práctica aliás das nefastas consequências em quanto a turistificaçom e masificaçom das comarcas receptoras, tem consequências para as que tentamos recuperar o Entruido em lugares como Compostela. Quando as comissons da Gentalha comezam a trabalhar na configuraçom da Comparsa atopamo-nos um panorama de deserçons desanimante e umha insistente exclamaçom de "total aqui nom hai nada!"... Nom ha nada onde nom ha ninguem.
Desde a cidade galega mais asolada polo cristianismo, fazemos um chamamento a converter ao povo de compostela em protagonista do seu entruido, em verdadeiro dono das suas celebraçons. Queremos que volte das areas comerciais aos seus bairros, dos desfiles às suas associaçons de vizinhas. Queremos um entruido nosso, que inunde a compostela arzebispal e "condal" de sacrilêgio e irreverência.
Escrito em 16-02-2012,
na categoria: Notícias
|