9 DE ABRIL, DIA DO ASSOCIATIVISMO CULTURAL

9 DE ABRIL, DIA DO ASSOCIATIVISMO CULTURAL

Em junho de 2010 a associaçom cultural a Gentalha do Pichel foi sancionada pola Cámara Municipal de Compostela com umha multa de 1500? por colocar umha faixa na praça na qual se celebrava a cacharela. Nela podia-se ler "na Galiza só em galego"; a segunda parte da sançom fôrom mais 300 ? por exceder, supostamente, o horário permitido. Esta multa de 1500 ? por "ocupaçom indevida da via pública" está imposta polo anterior bipartido e executada polo presente governo municipal.

O calcanhar de aquiles de qualquer projeto comunitário reside na supervivência económica; mais ainda num momento em que na Gentalha andamos a construir a Semente, única escola de ensino infantil 100% em galego. É por isso que é um bom momento para te associares, já que um projeto como o nosso precisa dumha pequena colaboraçom de todas e todos os que queremos umha Compostela consciente e em galego; se nom fás parte das filas do INEM podes pensar em aumentar a tua cota de associada; se tés um pequeno negócio, podes fazer parte da listagem das nossas entidades colaboradoras.

Som muitos anos trabalhando, muitos roteiros, concertos, palestras, projeçons, estudos, publicaçons... Cada golpe que levamos fai-nos mais fortes. Por isso A Gentalha do Pichel quer converter esta descarada agressom institucional num novo momento de consolidaçom. O dia em que o poder municipal de Compostela vai julgar as mais de 200 pessoas associadas por colocarem um pedaço de papel na parede, queremos convocar a todas vós para o primeiro Dia do Associativismo Cultural.

Nesse dia, e durante as semanas anteriores, toda a Gentalha implementará um plano para incorporar novas associadas ao nosso projeto cultural. Oxalá demorem muito a entender que a mesma força com que nos tentam parar é o impulso que nos fai medrar.

Escrito em 17-02-2012, na categoria: Notícias
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution