28 DE ABRIL CELEBRAMOS A REVOLUÇOM DOS CRAVOS COM CEIA, DISCO E CONCERTO DE TAGHAITAÍ!

Festa galego-portuguesa para comemorar o 25 de abril

sábado 28 de abril no C.S O Pichel

21h00
- ceia portuguesa: entradas, caldo verde, bacalhau e papas de arroz. Vinho verde e café.

- apresentaçom do novo disco duplo: 25 de abril Sempre!
(Com temas de discos inéditos e documentaçom surpreendente)

- Saudaçom das companheiras do Projeto "Amigos maiores que o Pensamento"

22h30
- concerto: TAGHAITAÍ!!! TOUR DE BAIXURA + estreia da coral GAITA ARMADA

* É obrigatório ter bono para a ceia (venda antecipada no Pichel e reservas no mail da gentalha ATÉ O 26 DE ABRIL)
. O preço da ceia inclui o concerto: 15€
. Preço do concerto sem ceia: 3€ (4€ para nom sócias)

SOBRE TAGHAITAÍ:
  Quatro Portos de mar unidos por um fio musical chamado "Tradiçom". Toda a Costa galega, de Moanha até Burela passando por Ribeira, fai que este grupo navegue musicalmente entre o Atlántico e o Cantábrico para encher-nos de salitre vital.   Nesta primeira viagem de apresentaçom, Taghaitaí!!! irá descarregando Xarda Sonora em Ribeira, Camarom Harmónico em Moanha e Bonito Batukada em Burela... até chegar o dia 28 de abril a vender o peixe em Compostela, carregadinhos de Bacalhau para celebrar o 25 de abril na Gentalha do Pichel. Enrolades-vos???

Em definitivo, pura visceralidade artística que alimenta os concertos de energia entre grupo e público, gerando umha atmósfera mágica para cantar e bailar com eles.   Quatro som os membros desta formaçom; Lola de Ribeira, Edelmiro Fernández, Iván Costa e Manolo Maseda. Quatro velhos marinheiros, como dizia a cançom, e todas metidas num bote... nunca melhor dito. Embarcados nesta nova viagem à procura de portos onde desembarcar música fresca como o nosso peixe e saborosa como o nosso marisco. Umha festa marinha desde o mar das ondas.  
Já sabedes, quando escuitardes Taghaitaí!!! ouviredes um foguete sonoro, que quer dizer que hai Festa, que hai Foliada e que está a "ghaita" aí para quem as queira acompanhar. 

Escrito em 18-04-2012, na categoria: Notícias, lingua

Deixe o seu comentário »