Já está aberto o prazo para a apresentaçom dos vossos trabalhos para o concurso de relatos de defuntos da Gentalha do Pichel. Publicamos a seguir as bases do concurso.

1- A temática do relato será o medo sempre que esteja relacionada directa ou indirectamente com a noite de Defuntos e será ambientado em Compostela.

2- Poderám participar todas as pessoas que o desejarem sem limites de idade.

3- Os trabalhos serám apresentados exclusivamente em língua galega.

4-Os trabalhos devem ser inéditos.

5- O prémio é umha cesta de produtos de tempada assim como material da Gentalha do Pichel.

6- O prazo de apresentaçom de trabalhos finaliza na sexta feira dia 26 de Outubro de 2012.

7- Os trabalhos serám apresentados por triplicado num envelope no que se fará constar na parte exterior o título e um pseudónimo, e, em envelope diferente, identificado com o título do relato e o seu pseudónimo, serám entregues os dados pessoais da autora do relato: nome e apelidos, Bilhete de Identidade (BI), endereço e telefone de contacto.
Os envelopes serám enviados por correio certificado a Gentalha do Pichel, Rúa Santa Clara, 21, 15704 Compostela, a nome da Comissom de Cultura.

8- Os relatos devem ter umha extensom máxima de 30.000 caracteres.

9- O relato premiado, poderá ser contado pola ganhadora na noite de Defuntos na Gentalha do Pichel, em umha noite especial cheia de atividades.

10- Os trabalhos ficarám a disposiçom das autoras durante um prazo de dous meses umha vez atribuído o prémio. Após finalizar este período de tempo, serám destruídos.

11- A interpretaçom das presentes bases é atribuiçom do júri.

12- A decisom do júri é inapelável.

13- A participaçom no prémio supom a aceitaçom das suas bases.