COMEÇA A GAITA ARMADAAAA!!! o 5 de Novembro

COMEÇA A GAITA ARMADAAAA!!! o 5 de Novembro


segundas feiras de 22h15 a 23h15
Nas aulas de canto trabalharemos os diferentes aspectos do processo de aprendizagem de umha cantiga:

Melodia
-Audiçom e identificaçom da estrutura (copla / retrouso).
-Afinaçom através da exercitaçom do ouvido musical.
-Polifonia.

Letra
Respiraçom
-Exercícios de relaxaçom.
-Tipos de respiraçom (pulmonar e diafragmática).
-Ressonadores (direcçom e projecçom da voz).

Dicçom
-Pronúncia
-Acentuaçom e fraseio
-Matizaçom dos sons

Ritmo (compasso)
-Prática rítmica através da identificaçom do acento: terra (a tempo), ar (à contra).
-Coordenaçom / velocidade / constáncia.

Interpretaçom e expressividade
Conferir carácter à peça.
Ornamentaçom (voltas, finais...)
Intensidade: dinámica de volumes.
As aulas estarám abertas à criaçom colectiva de peças originais, arranjos ou propostas de transformaçom que continuem a enriquecer a tradiçom viva de que fazemos parte. O processo de ensino-aprendizagem será mútuo, achegando cada pessoa a sua voz própria.

imparte:
Jara Ortiz
Começa a sua andaina musical no ano 98, fazendo parte das cantareiras de 'Ecos da terra' (Carança- Ferrol), um agrupamento folclórico de música tradicional. Sempre vinculada à música de raiz e com carácter autodidacta, colabora no ano 2004 com Susana Seivane no disco Mares de Tempo. No ano 2006 surge a criaçom do grupo folque 'Lua de Fouce', onde foi vocalista e percussionista. Este agrupamento experimenta desde a sua base na música tradicional com composiçons próprias. Já em 2008 colabora no disco 'Nai' de Xoán Curiel. Fijo parte desde 2009 do coro do grupo 'Mamá Cabra' de música para crianças, e foi vocalista da companhia de dança e música 'Circio' e do projecto organizado pela Central Folque 'A música galega nasceu em Cuba', junto com o acordeonista Vadim Yukhnevich e o gaiteiro Manolo Panforreteiro. Foi escolhida para um Trabalho-gravaçom de investigaçom sobre a evoluçom no canto tradicional galego, promovido por Marcelo Mendoza e a Xunta de Galicia. Cursou a cargo de Eliseo Parra umha Master Class de música tradicional, 'A necessidade de cantar'. Participou no projecto discográfico Waterfall Mountain do estadounidense Mark Wiersma. Em 2010 foi umha das novas vozes escolhidas do disco 'Arrolos de Salitre' de Xabier Díaz e Guillerme Fernández. Actualmente fai parte do grupo 'Son+d2', dando concertos didácticos músico-teatrais para crianças, onde se mistura a cançom de autor com ritmos étnicos do mundo, com o qual tem percorrido boa parte da geografia galega representando-o em escolas, casas de Cultura, teatros e auditórios. Ao mesmo tempo participa no projecto compostelano "Habelas Hainas" (percussom e voz) desde umha olhada feminina e plural. Grupos com os que tocou em diferentes partes do mundo, Frankfurt (Alemanha), Gwengump (Breizh), Chaves (Portugal), Gijón, Luarca (Asturies), Pardinhas (Lugo), Honninsvag (Noruega) entre outros. Na actualidade compagina a dedicaçom a estas formaçons musicais com a sua actividade como professora de pandeireta e canto tradicional na comarca compostelana na Associaçom 'A Xuntanza' (Bairro de Sam Pedro, Compostela).

Escrito em 29-10-2012, na categoria: Notícias
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution CMS