Excurssom a Tordoia e Carral
Um afouto grupo de 15 picheleiras participou no sábado 17 de novembro na excurssom a Tordóia e Carral organizada pola Comissom de Memória Histórica da Gentalha do Pichel.

Umha tarde inequivocamente celta e de outono, com nevoeiros, ventos e chuva, nom foi impedimento algum para deslocarmo-nos ao Concelho de Tordóia. Lá, guiados polos historiadores da Comissom, contemplamos o Dolmem de Cavaleiros, tambem conhecido como a Casa da Moura. Esta mámoa, que inclui o Dolmen, é um magnífico exemplo da arquitectura funerária do neolítico galego. As mámias e os dólmenes som a primeira manifestaçom de arquitectura monumental produzida na Galiza, e, os mais antigos têm cerca de 6.000 anos. O túmulo de Cavaleiros tem um diâmetro aproximado de 30 m. e umha altura de 2 m, e sua câmara funeraria é formada por sete pilares verticais e uma enorme laje de granito como cobertura.
Alem, olhamos a Pedra Longa, um monumento natural formado por umha impressionante rocha granítica vertical de mais de quatro metros de altura. Continuamos o caminho passando pelo Mesom do Vento e dirigimo-nos a Carral, onde descubrimos com o arqueólogo Antom Malde o castro das Travessas, um castro de enormes dimensons. Sua ocupaçom iniciou-se no século IV antes de nossa era e prolongou-se durante 1000 anos. Conta com uma croa circular, um antecastro e plataformas anexas, e pensa-se que pode chegar a ter uma extenssom de cerca de 12 hectares. Posteriormente, no centro de interpretaçom de Carral conhecimos o projeto da escavaçom, ainda nom finalizado, mas já deu boas mostras da potencialidade do lugar: forom encontrados os trilhos dos carros, as entradas de acesso, os eixos das portas e uma enorme quantidade de telhas e cerâmicas galaicas e galaico-romanas, que pudemos admirar e tocar com nossas mãos.