Novo cartaz da comissom de história para lembra, neste caso, a um vizinho do nosso centro social.

Como o resto dos cartazes da série podes apanhar os que queiras no nosso centro social.
Manuel Maronho Calvo ?O bom?

Nascido a 5 de Julho de 1899 no nº2 da Rua dos Basquinhos. Tipógrafo no obradoiro do Seminário Menor desde 1919. Levou a cabo umha intensa actividade sindical na sociedade de tipógrafos, integrada até 1935 na CNT. Integrou também a Unión Protectora de Artesanos e a Unión Obrera.

Em Setembro de 1930 destaca na greve em protesto polo assassinato dum operário nos incidentes causados pola gira propagandística de figuras da ditadura, como Calvo Sotelo ou o filho do ditador. Foi Secretário da Agrupaçom Socialista Compostelana nos anos 30, e detido a seguir da greve de 1934. Em 1936 partilhava as posiçons mais esquerdistas dentro do PSOE. Quando se produz o golpe de estado fascista fai parte do Comité Executivo do Fronte Popular. Após o triunfo da rebeliom nom fugiu porque ?nom figera mal a ninguém?. Foi detido no bairro de Vista Alegre.

A cínica acusaçom contra ele dizia: ?Traiçom à Pátria porque dizendo-se defensores da República, que nom era atacada por ninguém, constutuírom um comité com o fim de implantar umha ditadura comunista ao serviço da URSS?. O juízo-farsa estivo presidido polo Tcol. Rueda de Andrés e tivo como acusador Puga y Ramón.

A 3 Dezembro foi assassinado em Boisaca junto com o seu irmao Pepe e oito homens mais.