A nossa habitual equipa de trabalho gastronómico e de serviço, integrada por militantes independentistas filiad@s ao nosso Centro Social, ocupárom-se de facilitar a cozinha e o empratado da ementa que a Gentalha do Pichel solicitou para o jantar da jornada lúdica a reivindicativa.

O 17 de Maio transladou-se este ano até 14 para aproveitar o sábado e ocupar a Praça 8 de Março de Compostela, onde o movimento de base normalizador e reintegracionista galego estivo chamado polo Centro Social A Gentalha do Pichel.

Aos atos, em que participamos diversas pessoas do nosso CS todos os anos dum jeito mais passivo, contribuimos nesta ocasiom ativamente, utilizando as nossas instalaçons em Quiroga Palácios e as nossas habilidades sob a coordenaçom de Paco para oferecer aos amigos e às amigas da Gentalha do Pichel o nosso graozinho de areia.

Alegramo-nos deste tipo de colaboraçons, que dam conta dum natural clima de fraternidade entre as pessoas da cidade e comarca que trabalhamos diariamente por um mesmo fim: a nossa língua, a nossa naçom.

Obrigad@s por confiardes-nos a tarefa!
Parabéns pola Festa do 17!

O Centro Social Henriqueta Outeiro adere à iniciativa do Centenário Guerra da Cal, em conmemoraçom do nascimento do escritor e filólogo galego de origem ferrolana.

A Academia Galega da Língua Portuguesa tem habilitado um espaço dedicado especificamente a homenagear mais um dos insignes reintegracionistas que deu este País e que nos deixárom o sêculo passado.

O portal na rede da Academia Galega da Língua anuncia umha convocatória que decorrerá em Compostela próxima terça-feira e à qual aderimos como entidade reintegracionista e normalizadora da cidade, diante de cujo monumento a Carvalho Calero vos convidamos a participar a partir das 11h30.

O ato contará com leituras do autor e mais de Lois Pereiro, de quem nom nos esquecemos nestas datas. Aliás, haverá posteriormente um percurso polas ruas da capital galega.

Quinta-feira, dia 7, acode comer com nós ao Centro Social umha nova elaboraçom da casa, realizada sob o aniversário das marchas antinucleares em Jove contra a instalaçom dumha planta no lugar.

Homenageando essas jornadas de luita de 1977, que alumeárom o Abril daquela altura, serviremos-vos umha deliciosa ementa composta por:

- Tosta de pemento com atum e tomate, queijo e cogumelos
- Galo com vinho e chocolate
- Copa de limom, cabaça e pêxego

As Jornadas Independentistas Galegas organizadas por Primeira Linha decorrêrom com o sustento das nossas instalaçons como espaço para as quatro comidas oferecidas ao longo do fim-de-semana.

Dúzias de pessoas passárom e comprovárom as habilidades culinárias das muitas pessoas que figérom possível a acolhida dentro dum local reabilitado com a nova decoraçom exterior e alguns serviços interiores como a biblioteca.

Também as pessoas vindas doutros países da península, umhas pola primeira vez e outras já conhecedoras do nosso Centro Social, marchárom da Galiza conhecendo as possibilidades que a autoorganizaçom na esquerda independentista permite para coordenar encontros nacionais de vários dias com os serviços básicos cobertos.

Sim. Mudamos de imagem exterior. Para bem, sem dúvidas. Mas... com certeza, continuamos a ser as mesmas e os mesmos, com as ganas renovadas que reflecte a pintura nova que cobre a ferralha cinzenta que fôrom até agora as reixas exteriores do Centro Social.

A maiores, também no interior se desenvolvem desde há semanas tarefas de acondicionamento e melhora do espaço de convívio e trabalho, de reuniom e debate, que foi e continuará sendo o Centro Social Henriqueta Outeiro.

Este fim de semana o local acolherá as refeiçons das Jornadas Independentistas Galegas organizadas polo partido comunista patriótico Primeira Linha.

Este ano alcançam a XV ediçom, e na rua Quiroga Palácios teremos o trabalho e a sorte de acolher as dezenas de pessoas que se abonem às refeiçons que durante dous dias proverá a entidade organizadora às pessoas assistentes, entre elas as ponentes chegadas doutros pontos da península.

Será um novo momento em que o Centro Social ficará na memória da construçom nacional dessa Galiza rebelde e lilás que dia a dia ajudamos a construir desde as nossas instalaçons.

O nosso local estará numhas semanas totalmente distinto. Polo menos visto desde fora e fechado. Os labores de acondicionamento do local avançam nom só no interior, mas também afora.

Preta e amarela fôrom as cores escolhidas para adecentar a reixa de segurança. A equipa de trabalho do local permanece acondicionando o material para deixá-lo finalmente mudado.

Em próximas semanas esperamos poder-vos oferecer algumha imagem mais do Centro Social Henriqueta Outeiro remodelado, por fora e por dentro.

Parabenizamo-nos polos progressos que a equipa de "operári@s" particulares com que contamos entre a nossa filiaçom está a dar ao local da rua Quiroga Palácios.

Para gozo da nossa gente, já temos biblioteca como elemento mobiliário do local. Umha biblioteca decente e de boa qualidade, que está a ser gerida para acolher dúzias de livros.

Proximamente informaremos da listagem de obras disponíveis, e do estado final em que acabarám as reformas, assim como da possibilidade de doardes os vossos livros para incorporá-los à biblioteca e contribuir para criar um centro social digno de tal nome.

Dentro duns dias fará-se mais um aniversário do famoso Banquete de Conjo, em que a vanguarda inteletual do galeguismo do sêculo XIX combina a sua presença no movimento artesao e estudantil para reafirmar os seus postulados protonacionalistas.

Na mesma cidade, muitos anos depois, os e as filiadas do Centro Social cremos que deve perviver na memória da Galiza em construçom o engenho e a impronta dum larguíssimo movimento de reivindicaçom nacional de que somos legatári@s como expressom socialista dele.

Convidamos-vos a um outro banquete, este da mao de Paco e os seus e suas pinches. Nom marcaremos umha data para a posteridade com a sua realizaçom, mas sim achegaremos mais um grao de areia para um movimento político em marcha que sim ficará gravado na história do País.

Ementa:
- Salpicom de marisco
- Costela assada com prebe de mel e limom
- Chulas de maça