Umha galega. A mugardesa Amada Garcia, fusilada no aquartelamento militar de Sam Filipe em Ferrol recém triunfado o golpe de estado franquista, receberá um tributo por parte dos e das sócias do Centro Social.

Queremos contribuir para a recuperaçom de pessoas que, como no caso da jovem vizinha trasanquesa, perdêrom a vida por ameaçar os interesses da burguesia. Em apenas dous dias, as vilas costeiras de Ares e Mugardos recebêrom a condena a morte de 37 vizinh@s. Entre elas, Amada Garcia.

Umha galega de cuja memória apenas existem reivindicaçons. A sua curta vida, e a sua actividade num pequeno concelho da Galiza mantenhem a opacidade sobre umha líder natural, distinguida polo seu fervor autodidacta numha época de acentuada exclusom sexual.

Será a XVIII Ceia revolucionária. Assiste!

A partir de amanhá, segunda-feira dia 11, as portas do local de Quiroga palácios volverám estar abertas no seu horário habitual.

De segundas a sextas, ambas incluídas, entre as 19 e as 23 horas.
Nom duvidedes em passar-vos para quecer um espaço à margem do frio invernal compostelám.

Para finalizar todo um ano de encontros gastronómicos à volta de senlheiras figuras da política nacional e internacional, Alexandra Kollontai recebeu umha homenagem entre pratos e bebida bem elaborados.

Umha vintena de sóci@s encontrárom-se no local entre dípticos informativos sobre a revolucionária russa. Umha companheira expujo-nos algumhas ideias sobre ela.

Encerramos assim o 2009 de Jantares Revolucionários do Centro Social Henriqueta Outeiro.

Recém começado o 2010, polo qual a todos e todas parabenizamos, prometemos-vos e convidamos-vos a outros encontros gastronómicos regados de política.

Decorreu com intensidade umha nova jornada de formaçom preparada polo Movimento de Libertaçom Nacional Galego, na sua habitual utilizaçom do nosso local para o desenvolvimento do seu projecto político.

O Centro Social alegra-se de poder oferecer as suas instalaçons em jornadas de nom abertura (sábados, domingos e feriados) para acolher numerosas pessoas que mantenhem com vida o local.

Desta volta foi o segundo encontro do Centro de Estudos Marxistas, intitulado "História e Ideologia da Esquerda Independentista galega". Este novo capítulo de formaçom e discussom foi dividido pola sua carga em duas sessons, a primeira das quais tivo lugar este passado sábado.

A Assembleia Aberta do Centro Social, responsável pola organizaçom destes encontros, quer lembrar que embora nom tenhem carácter aberto, sim som de recomendável e possível seguimento para todas as pessoas amigas, simpatizantes e próximas quer ao Centro Social, quer ao Movimento que se encarrega da sua ministraçom.

Em Janeiro decorrerá a segunda parte deste encontro, ao qual esperamos que gostedes de aderir e enriquecer com a vossa presença e participaçom.

Adiante a formaçom!
Sem cancelas para o debate!

Durante as férias de Inverno, o Local Social nom será aberto. As três semanas até o reinício das aulas, da vida académica na cidade capital, serám de momentáneo suspenso da actividade de aulas, encontros, jantares e demais actividade.

Lamentamos nom poder compartilhar a viragem do ano à volta da Henriqueta Outeiro. Mas recuperaremos a iniciativa com plena normalidade e regularidade a partir do dia 11, segunda-feira, de Janeiro.

A XVII Ceia Revolucionária do Centro Social será em lembrança de Alexandra Kollontai. Mulher militante desde a mocidade até a morte, simpatizante dos ideiais comunsitas de Marx e as linhas emancipadoras propostas por Rosa Luxemburgo. Kollontai foi umha das primeiras mulheres a convocar comícios especificamente dirigidos para as mulheres trabalhadoras da cidade operária de Petrogrado.

Experimentou a política desde as fileiras bolcheviques e mencheviques, foi eleita membro do Comité Central das primeiras no seu VI Congresso e mesmo integra-se na Assembleia Constituinte posterior à Revoluçom de Outubro como comissária para assuntos sociais.

Por ser umha das primeiras mulheres que se abrírom passo entre o masculinizado mundo do proletariado revolucionário, erguendo o punho e a palavra e conseguindo ser escuitada e valorizada polo seu exemplo, representa para nós um modelo humano a seguir.

Paco e ajudantes de cozinha elaborarám na sua memória umha ementa russa que será do gosto de todas aquelas pessoas que queirades achegar-vos para estar em boa companha e quecer o corpo nestas frias noites de Inverno com um delicioso jantar.

- Aperitivos de rábano
- Vodkatiny
- Solmbos strogonov com basmati
- Blinis de maçá confitada e tofe

Lembra, sexta-feira dia 18 a partir das 21,30 horas!!

O Centro Social Henriqueta Outeiro foi convidado e partícipe no acto de encerramento da V Assembleia Nacional que a organizaçom política do Movimento de Libertaçom Nacional Galego, Nós-UP, realizou há três dias na cidade surenha, para nós, de Vigo.

Desde Compostela deslocou-se em representaçom do Centro Social a nossa companheira Rosa Casais, jovem migrada em Compostela e activa responsável do local.

Junto a mais dumha dúzia de colectivos, ora presentes, ora ausentes, o nosso Centro Social saudou o sucesso do quinto máximo órgao assemblear da entidade socialista. Com ela partilhamos a procura consequente e honesta dum futuro lilás e vermelho para a nossa Pátria livre. Nos próximos dous anos, esperemos que sejam muitos os motivos para o encontro nesta batalha.

Lembrasmo-vos que desde há semanas o Centro Social Henriqueta Outeiro mantém os dias e horário de abertura deste ano académico.
De segundas a sextas, ambas incluidas, de 19 a 23 horas.
Nesse tempo podedes aceder livremente às instalaçons do nosso local e informar-vos das nossas actividades mais imediatas. Ou aliás, obter informaçom para associar-vos. Ou, simplesmente, tomar algo.

A quarta-feira às 20,30 o Centro Social oferece-vos umha nova cita. Desta volta trata-se dumha palestra sobre língua com o autor trasanquês Maurício Castro.

Ele póprio apresentará o seu livro "Galiza vencerá!". Sob este título recolhe a novidade da Abrente Editora na altura de Julho do presente ano. Umha selecçom de artigos escritos polo professor de português, que já fora apresentado no Parque de Belvis coincidindo com o Dia da Pátria e a sua recente publicaçom. Todos eles relacionados com a nossa língua e a sociolingüística.

No Centro Social Henriqueta Outeiro coidamos que devemos reivindicar agora mais do que nunca a vigência do nosso idioma como instrumento internacional e útil de desenvolvimento social e individual sem sobmetimento ao espanhol. Temos umha língua rica, com umha grafia história conservada nos cinco continentes, à qual queremos aderir para afortalar a consciência da identidade nacional-cultural do Povo Trabalhador Galego.

Deste e de quaisquer aspectos da realidade lingüística da Galiza poderemos falar e debater a quarta-feira.

Ficades convidad@s!