Centro Social Henriqueta Outeiro sofreu umha agressom na madrugada do passado 10 de julho. Este espaço de convívio e trabalho da esquerda independentista compostelana, assim como sede nacional de BRIGA e NÓS-UP, apareceu com as três fechaduras bloqueadas e umha pintagem insultante contra NÓS-UP e a algumhas das e dos seus militantes.

Nom é a primeira vez que sofremos umha agressom. Há uns meses fôrom pintadas nazis.

Sabemos que a direçom de Causa Galiza nada tem que ver com estes lamentáveis factos, perjudiciais para o conjunto do movimento.

É a primeira ocasiom na que somos atacados por pessoas aparentemente enquadradas no nosso próprio espaço político: a esquerda independentista. Isto ocasiona-nos um grande pesar, principalmente porque os e as sócias do CSHO sempre achamos como positivo o debate franco de ideias, sem subterfúgios de nengum tipo, dentro daqueles que luitamos por um mesmo horizonte de libertaçom nacional e social de género.

A responsabilidade de que a luita ideológica esteja sendo substituída pola agressom material direta há que procurá-la no ambiente extremadamente conflitivo que estamos a viver dentro da esquerda independentista, e naqueles que nom contribuem claramente a extirpar estes comportamentos de setarismo atroz. Entendemos, portanto, necessário que os distintos coletivos que conformam o heterogéneo mundo do independentismo marquem claramente as limites e rejeitem atitudes, como a sofrida por este Centro Social ou o CS Lume! de Vigo; que convertem a diferencia política legítima em comportamentos indignos a combater.

Aproveitamos para desejar um feliz Dia da Pátria a tod@s aquel@s que luitam por umha Galiza cive, socialista e feminista, e com @s que, com certeza, coincidiremos desde o respeito em multidom de batalhas.