Agrupaçom Cultural O Facho
Rua: Federico Tapia 12-1º
15005 A Corunha

J. Alberte Corral Iglesias

Dentro do ciclo de conferências organizado polo Facho intitulado ?Língua e Naçom?, o dia 26 de Março 2008, o escritor, actor, e dramaturgo, Manuel Lourenzo, conversou sobre: O teatro galego hoje, perspectivas.
O conferenciante encetou a sua palestra lembrando ter ganhado todos os prémios de teatro d?O Facho, a vez que ilustrou como junto como o seu companheiro de fatigas e angueiras, Pancho Pillado. Dos seus começos na andaina polo mundo do teatro no ano 1965. Do seu desconhecimento da existência de um teatro em galego e galego anterior a eles, tal era o silêncio de chumbo na que mergulhara o franquismo à cultura galega. No ano 1965, com o grupo de teatro O Facho encena a obra ?O cabalo do cabaleiro? de Carlos Múñiz na sociedade A Gaiteira d?A Corunha, ao findar a representaçom Leandro Carré Alvarellos acercou-se a eles e na conversa dos parabéns dá-lhes a conhecer o teatro que existira antes da longa noite de pedra franquista. ?Entom ouvirmos por vez primeira do movimento teatral da Escola da Corunha, das Irmandades da Fala, de como as mesmas propunham o teatro para espelho da sociedade e da fala?. Entom soubermos das obras de Cabanillas, Vilar Ponte, em outros muitos, da montagem de ?A man da santinha? no Teatro Lino d?A Corunha, de como nesta cidade a intensa actividade do movimento cultural fai agromar o primeiro teatro galego. O grupo teatral O Facho começa a ler traduçons e obras de Beiras, de X. Torres, etc.., assim como represetaçons, ?Orestes? de Arcádio Casanova, ? O senhor Bom homem e os incêndarios, de Max Frisch, ?As moscas? de Sartre, ainda que esta nom publicamente representada por proibiçom expressa do Governo. Nesta jeira estivérom implicados pessoas como actores, tradutores, directores, hoje longamente reconhecidas, Joam Maria Castro, Francisco Pillado Mayor, Manuel Lourenzo, Henrique Harguidey, etc.. A língua foi determinante no ressurgimento do teatro na Galiza, a sua utilizaçom é presente e consciente é o seu fundamento, o seu piar, é umha linguagem de volta e volta, obra e público.
Seguindo a sua exposiçom, o conferencista contrapôs aqueles inícios onde todo era umha luita pola dignidade de Nós, como povo e cultura, contra actual mentira dos médios mostrando uns retalhos da actual cultura subvencionada, onde em estúdios de dublagem de fitas para a televisom, nom é desacostumado atopar directores que exigem, me habláis en gallego de Valladolid
Os anos sessenta, som os anos da convulsom e da revoluçom no teatro galego e no espanhol, nascem os Grupos Teatrais de Teatro Independente, eram itinerantes, escapavam depois de findar a representaçom e o seu colóquio; daquelas sempre este último ia com e exibiçom das obras. Os Goliardos de Madrid, Les joglars de Catalunya, etc.. Este teatro chegou acabar com o teatro comercial da época.
Do Facho, Manuel Lourenzo passa a criar sobre o ano 1967 o Teatro-Circo no Sociedade Recreativa de Artesans d?A Corunha. Nessa época surgem novos também novos grupos de teatro independente galego: Entroido com García Bolaño, Troula, Artello. Mostras de teatro em Rivadavia, na Corunha.
A finais da década dos setenta, (1978), aparece a profissionalizaçom dos Grupos Teatrais. Hoje também é tempos de mudança, os câmbios familiares, dos jeitos de viver, a precarizaçom permanente, e também o andaço no que vivem desde séculos os galegos, a emigraçom para poder subsistir nom é alheia ao mundo do teatro. A barbárie neo-con também assolaga ao teatro galego hoje, o poderes públicos dam-lhe ao teatro um tratamento mercantil e nom cultural como um dos piares necessários para construçom de umha cultura e de um País.
Ao findar a sua palestra o conferencista manteve um interessante colóquio com a gente assistente a mesma.