Numha mui interessante conferência, o economista e professor da Universidade d'A Corunha, Frederico Martim Palmeiro, deu a conhecer com dados irrefutáveis o ciclo da III grande emigraçom galega que se está a produzir nestes anos. Este novo ciclo de dessangramento de Galiza é silenciado por todos os "mass media" como cúmplices e actores junto a grandes sectores da patronal de origem galega do sistema de extermínio de qualquer possibilidade de construçom do País, mostrando umha vez mais com dados estatísticos contrastados que nom se trata de nengumha teoria conspirativa; senom de feitos e de resultados confrontados dentro dum processo de colonizaçom económica e social nos que desde séculos estamos mergulhados os galegos em tanto que povo.