O FACHO: O celtismo na Gallaecia por Branca Garcia Fernandes-Albalát

O FACHO: O celtismo na Gallaecia por Branca Garcia Fernandes-Albalát

04-05-2011

O passado dia 3 de Maio e com umha sala ateigada de assistentes, a professora e doutora em História Antiga, Branca Garcia Fernandes-Albalát, ofereceu umha interessantíssima palestra dentro do ciclo, Economia, História e C.C. Sociais. A intitulada: ?O celtismo na Gallaecia?.

A professora Garcia Fernandes-Albalát fizo a sua exposiçom desenvolvendo-a com abundosas reproduçons iconográficas de achádegos arqueológicos. Assim mesmo deu a conhecer a mudança havida no mundo da arqueologia nesta última década depois de se ter logrado traduzir as diversas escrituras em pedra pré-romanas achadas em diversas jazidas arqueológicas. De facto estudiosos europeus do mundo pré-romanos mostram-se surpreendidos dos inumeráveis nomes de lugares, rios, vozes, etc. que na antiga Gallaecia mantenhem as suas raizames celtas.
Demandou que a futura colaboraçom entre a lingüística, a bio-genética, com a arqueologia abra novas luzes para discernir questons que hoje tenhem diferentes leituras segundo a escola de história antiga pertença o investigador.
O findar houvo um mui interessante colóquio.

Endereço de trackback para este post

Trackback URL (clique direito e copie atalho/localizaçom do link)

1 comentário, 1 trackback

Trackback de: chuza.gl [Visitante]
chuza.gl

O celtismo na Gallaecia por Branca Garcia Fernandes-Albalát
A professora Garcia Fernandes-Albalát na sua exposiçom desenvolta com abundosas reproduçons iconográficas de achádegos arqueológicos deu a conhecer a mudança havida no mundo da arqueologia nesta última década depois de se ter logrado traduzir …

05-05-2011 @ 18:56
Comentário de: Xosé Otero [Visitante]
Xosé Otero

Bravo, professora Branca. Não deixemos que assovalhem nossa cultura, nossa tradição e os nossos antepassados. Continue, que detras de si, conta com o apoio de quase todos os galaicos. Oxalá um dia a Gallaecia volte a levantar-se, oxalá !!!

27-09-2011 @ 23:04

Agrupaçom Cultural O Facho

Agrupaçom Cultural O Facho existe desde o ano 1963. Nasce da vontade conjunta de umha vintena de estudantes, trabalhadores e profissionais liberais d?A Corunha. A ideia é originaria dos daquela hora estudantes de bacharelato, Henrique Harguindey, André Salgueiro, e Xosé Luis Carneiro; respondendo ao seu chamamento posteriormente somárom-se entre outros: Eduardo Martínez, Henrique Iglesias, X. Alberte Corral, Xosé L. Rodríguez, etc... É a primeira agrupaçom de resistência cultural criada numha cidade do Pais polos seus cidadaos, já que O Galo é conformada por estudantes universitários de todo o Pais em Compostela, naquelas datas era a única cidade galega com Universidade. O grupo nasceu cos sinais de identidade da resistência contra o franquismo e da defesa da plena valia da língua e da cultura galega. Existia unha claríssima vocaçom política do que se fazia precisamente porque essa era toda a actividade publica com repercussons políticas que se podia fazer. A defesa da cultura e a língua galega é a cerna do que-fazer d?O Facho, que passou de fazer cultura de resistência nos anos da longa noite de pedra a se constituir hoje numha autentica mostra de resistência da cultura. Desde os primeiros momentos O Facho destaca-se com os seus cursos de língua com apoio de alguns exemplares da ?Gramática do idioma galego? de Manuel Lugrís Freire. Estes cursos tivérom umha importância mui grande na Corunha;. Daquela o galego nom se escrevia apenas e estava expulso da sociedade ?bem pensante?, nem sequer tinha secçom galego a faculdade de Filologia de Compostela. Umha das figuras fundamentais dos cursos foi D. Leandro Carré Alvarellos quem dirigiu esta actividade. Os ciclos dedicados á cultura galega, os encontros nos que se tratava economia e sociedade, os concursos literários. O seu grupo de teatro criado nas primeira datas de existência da Agrupaçom do quem eram responsáveis Manuel Lourenzo, e Francisco Pillado, foi dos pioneiros em representar obras no nosso idioma, tanto de autores galegos como de outras nacionalidades ( Brecht, Ionesco...). Na actualidade, O Facho é consciente dos desafio culturais do século XXI. Agora há que tentar ver o significado que pode ter hoje o sermos galegos num mundo globalizado. A ideia básica é que sermos galegos agora implica ser dumha maneira concreta numha sociedade mundial. Entre as iniciativas mais recentes é a criaçom do Facho de Ouro, um prémio para reivindicar galegos, o que amossa a própria agrupaçom é unha cultura que resiste. d’A Corunha.
+ info

Agrupaçom Cultural O Facho
Apartado de Correios n.º 46, Oficina Principal da Coruña
o_facho_a_cultural@yahoo.com.br

Busca

  Feeds XML

Ferramentas de administraçom

blog tool