Em Vigo, e no sábado dia 7 de maio, a organizaçom ecologista Verdegaia pom em andamento a primeira das Jornadas de educaçom ambiental para crianças na Escola Popular Galega (Rua Real, 12) de 11h00 a 13h30.

O programa e a informaçom correspondente para esta primeira jornada é a seguinte:

Reutilizaçom de materiais de refugalho para argalhar animais, brinquedos, cousos...

? As fichas de inscriçom poderám enviar-se por correio electrónico ou cobrir-se no próprio dia da actividade, sempre que fiquem vagas livres. O limite máximo de pessoas inscritas para esta actividade será de 15.

? Trazer quanto material de refugalho poda haver pola casa de cada quem, remexer bem dentro da cuncha a ver que sai: botes de suavizante para fazermos golfinhos ou elefantes; sacas plásticas para as medusas; cartons de guardar os ovos para as flores ou para um ratinho; caixas de sapatos, retalhos de tea ou copos de iogurte para o que se nos ocorra; e todo aquilo que a natureza nom precise e poda ser reutilizado dando-lhe umha nova vida no canto de deitá-lo no lixo.

? Vestir roupa cómoda para estar polo chao, como deve ser.

? Vir com bom humor e vontade de trabalho em equipa.