O Sábado 13 de Dezembro a partir das 11:00h no Colégio Fermim Bouça Brei terá lugar o I Aberto de Pateiro ou Bilharda, pontoável para a Liga da Conferência Sul da Liga Nacional de Bilharda. De chover terá lugar no ?Parque das Monjas?.
A jornada está organizada pola Assembleia Aberta do Local Social Baiuca Vermelha e pola LNB. No aberto podem participar todas as pessoas que o desejem.
A partir das 15h fará-se um descanso para poder comer. No Local Social Baiuca Vermelha haverá um jantar popular por 8? que constará de cozido, pam, vinho, sobremesa, cafés e licor café.
Às 17h reanudará-se a jornada para celebras as semifinais e a final.
Recuperemos os jogos tradicionais e populares!
O dia 13 de Dezembro contamos com todas e todos vós.
O 31 de Outubro na Praça da Igreja terá lugar a celebraçom da tradicional festa do Samaim organizada pola Assembleia Aberta do Local Social Baiuca Vermelha. No caso de chuva, a festa será no Pavilhom "das monjas".
Para @s antig@s, o tempo de Samaim marcava o fim da época luminosa do ano e o começo do tempo escuro. Assim representa o trânsito entre a vida (o Verao) e morte (o Inverno) intercambiando-se o mundo humano com o mundo divino. O Samaim é umha tradiçom própria da Europa Ocidental e estendia-se por Galiza, Portugal, norte da península Ibérica e Irlanda, Bretanha, Escócia,... Assim na Galiza era tradicional fazer caveiras com cabaças e colocá-las em caminhos escuros, deixar pam e vinho na noite de defuntos para que as ánimas pudessem gozar dos bens da terra. Em muitos lugares ficava a lareira prendida. Esta tradiçom milenária fica hoje, bem no esquecemento, bem colonizada polo Halloween.
A partir das 17h iniciará-se o obradoiro de cabaças onde todas e todos poderemos deixar voar a imaginaçom na procura da cabaça mais original.
Mais tarde, a partir das 21h, comezará o serám do Samaim onde vários grupos de música tradicional porám os sons à esta mágica jornada.
Haverá também castanhas e vinho e chocolate e rosca para as músicas e os músicos.
Animamos-vos a participar desta jornada.
Desde o dia 1 de Outubro, a Baiuca Vermelha abre as suas portas a partir das 18h, adiantando assim a hora de abertura em três horas com respeito ao horário de verao. O novo horário estará em vigor ao longo das estaçons de outono e inverno.
A partir do 1 de Outubro terám lugar no Local Social as aulas de dança organizadas pola Associaçom Cultural Galeguiza. Se queredes tomar parte, só tedes que passar pola Baiuca Vermelha qualquer quarta-feira a partir das 21h para poder ligar com o próprio professor ou algumha membro da Associaçom Cultural.
A Assembleia Aberta do Local Social Baiuca Vermelha participa como equipa na Liga Sul de Bilharda. Esta fim de semana com motivo das festas do Porrinho, começava a liga.
A equipa chegou a disputar umha das semi-finais, facto polo qual sentimos umha grande satisfacçom. Mas o que sem lugar a dúvidas resulta produz enorme satisfacçom é aportar o nosso grao de areia a socializaçom deste desporto tradicional e popular.
Aqui tedes umhas ligaçons de interesse:
Crónica do torneio: http://lnbsur.wordpress.com
Na página http://lnbsur.wordpress.com/clasificacions/ podedes ver como vai a clasificaçom depois desta jornada.
As primeiras fotos do torneo:
http://picasaweb.google.es/lnb.sur/OPorriOIXornadaLNBSur
Avante com a Liga Nacional de Bilharda!
Recuperemos os jogos tradicionais e populares!
Até o dia 11 de Outubro contamos no Local Social com a exposiçom do polifacetado artista Igor Lugris "poesia_para_ver/poesia_para_ler: Um projecto literário que procura novos caminhos de expressom, novas formas de contacto com o
público/leitor, convertindo o poema num objecto plástico que se poda ao tempo ler e ver, recitar e expor, num intento de achegar a poesia, e a literatura em geral a novos públicos, intentando romper o muro que separa a criaçom da vida cotiá. O resultado: poemas/cartazes que poderiam estar nas paredes dumha casa, dumha oficina, dum bar, dumha rua...
Nom deixes de vé-la!
Os dias 29 e 30 de Agosto cumprirom-se três anos desde a abertura do Local Social da Esquerda Independentista em Ponte Areias.
Forom dous dias de actividades e de celebraçom, nos quais reafirmamo-nos num ambiente festivo nos princípios que um dia de 2005 nos levabam à "botadura" da Baiuca Vermelha.
O Aárom de Corunha, dos Ultraqäns e Tino Baz abrirom na sexta-feira com a sua música as actividades do aniversário.
Som já tres os anos que cumpre o Local Social Baiuca Vermelha desde que abria as suas portas em Agosto de 2005.
Três anos de portas abertas ao Povo de Ponte Areias, acolhendo e organizando actividades e iniciativas rumadas a dar voz aos movimentos sociais e caminhando e construindo ao tempo consciência nacional, de classe, de género, ecologista, anti-militarista, anti-imperialista...
Queremos convidar-vos a todas e todos ao III aniversário do Local Social que contará com actividades para os dias 29 e 30 de Agosto.
Será todas as terças-feiras de mês: de 20h00 a 21h00 aulas de iniciaçom para principiantes e de 21h00 a 22h00, de aperfeiçoamento. Lembra que também podes inscrever-te nas aulas de dança, às quartas-feiras de 21h00h a 22h00. Proximamente também pandeireta.
O motivo da exposiçom é a comemoraçom das III Jornadas Feministas, realizadas pola Assambleia de Mulheres do Condado. Queremos parabenizar a AMC, pois este ano tambem celebram o seu V Aniversário, o que traerá ao Local diversas actividades que poderedes consultar no seu blogue: www.condadolilas.blogspot.com.
Seg | Ter | Qua | Qui | Sex | Sab | Dom |
---|---|---|---|---|---|---|
<< < | > >> | |||||
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |