• O Conselho presidido por Bernardo Penabade continuará em funções

As sócias e sócios da Associaçom Galega da Língua (AGAL) estavam convocados para as assembleias geral e extraordinária que tivérom lugar na Faculdade de Filologia de Compostela no sábado 14 de Abril de 2007. A ordem do dia da assembleia extraordinária consistia na eleiçom de um novo conselho para a AGAL.

Porém, a única lista que se apresentou nom conseguiu o mínimo de 2/3 (dous terços) dos votos necessários. Por esse motivo, a candidatura foi rejeitada e continuará em funções o conselho presidido por Bernardo Penabade até a convocatória de novas eleições.

No que atinge à assembleia ordinária, todas as ordens do dia foram aprovadas por unanimidade, um facto polo qual se enorgulhou o presidente em funções Bernardo Penabade e que recebeu o aplauso dos assistentes. Lembramos que as ordens do dia eram a leitura e aprovaçom da acta da assembleia anterior, as contas do exercício económico de 2006 (que fechou com um superávit maior que em 2005) e umha correcçom de erros nos Estatutos da associaçom validados pola Junta da Galiza.

Após o resultado da assembleia do 14 de Abril, «umha das mais numerosas de toda a história» segundo o secretário em funções Isaac Alonso Estraviz, será o Conselho sainte quem continue de forma provisória à frente da associaçom até a convocatória de novas eleições, das que serám informados os sócios através dos canais de comunicaçom da AGAL, incluído o Portal Galego da Língua.