A GENTALHA DO PICHEL DENUNCIA BOICOT MUNICIPAL DA FESTA DO DEZASSETE

A GENTALHA DO PICHEL DENUNCIA BOICOT MUNICIPAL DA FESTA DO DEZASSETE

Por terceiro ano consecutivo, O PSOE-BNG nom só nom colabora com a festa do Dia das Letras organizada pola nossa associaçom cultural, senom que boicota activamente o seu normal desenvolvimento. Nem dinheiro, nem praça, nem cartaz.

A Gentalha do Pichel, quer, mais um ano, fazer pública umha denúncia contra o comportamento que a Cámara Municipal de Compostela está a ter com o nosso colectivo.

Com motivo da celebraçom do Dia das Letras Galegas, a nossa associaçom, como já é habitual nos últimos anos, organiza umha ambiciosa e interessante jornada lúdica conhecida como a ?Festa do Dezassete?. Esta festa tem demonstrado amplamente ser de interesse para a cidadania (milhares de pessoas visitárom a praça de Maçarelos participando activamente das nossas actividades nas anteriores ediçons);
tem demonstrado ser de interesse para a regeneraçom lingüística e cultural do País, sendo apoiada e protagonizada por numerosíssimos e diversos sectores da sociedade: artistas musicais galegas do calibre de Míni e Mero, Skárnio, Ruxe-Ruxe, Lamatumbá, Fiandola, Skacha; colectivos de defesa da língua, grupos de teatro, empresas de desenho ?camiseteiro?, rádios livres, negócios da cidade, reconhecidos escritores e escritoras, associaçons de jogo tradicional, grupos de baile tradicional? Apoiada, enfim, por todos aqueles e aquelas interessadas na cultura de Galiza, na nossa língua, na nossa música e nas nossas tradiçons.

Só encontramos umha entidade que nom só nom nos apoiou, senom que nos boicotou ano após ano na já de por si difícil tarefa da organizaçom do evento. A entidade responsável chama-se Cámara Municipal de Compostela. Chama-se governo municipal progressista do PSOE e BNG. Chama-se responsável de cultura, responsável de festas, responsável de zona velha, responsável de normalizaçom lingüística.

O problema ?dos cartos?

A Cámara Municipal nom tem meios para apoiar economicamente festas da língua nem jovens artistas galegas porque Bisbal cada dia cobra mais. Ou Antonio Vega, ou Jorge Drexler, ou Iguana tango (programa das últimas festas da ascensom). Normal. Nom podem gastar o dinheirinho em Ruxe-Ruxe porque, além de nom ser tam interessantes como David Civera ou Estopa, nom som politicamente correctos (mesmo se atrevem a discordar com a política municipal! e quem protesta, nom cobra, isso já se sabe).
Entretanto, companheiras e companheiros de outras partes do país que estám a preparar festas locais como a nossa, e com os quais nos relacionamos fluidamente, sim recebem ajuda institucional. As últimas notícias que temos som:

. Treme a Terra em Pontedeume recebe da Cámara 900 euros, equipa de som e carpa.
. Artábria recebe em Narom 6000 euros, licença de uso dumha zona recreativa e equipa de som e de luzes para concertos. Da Cámara de Ferrol recebe colaboraçom em numerosas actividades.
. A coordenadora de Centros sociais recebe em Oleiros pavilhons, salas de exposiçom, carpas, palcos, equipa de som, publicidade e umha importante quantidade de dinheiro.
. O MDL, para a festa da língua, recebe em Ponte Vedra 6000 euros, praça e equipa de som.

Mas Cámara de Compostela tem que organizar macro-eventos e nom está para minudências como estas.

O problema do ruído, das praças, do espaço?

Nesta ocasiom solicitamos, como cada ano, a praça de Maçarelos para celebrar a nossa festa. Solicitamos também a Alameda, o Toural e a praça da Quintá (por se acaso). Figemos a solicitude em Fevereiro. Mas os nossos ocupadíssimos líderes ainda nom tivérom tempo de decidir se no-la davam. O Foro da Mocidade (constituído por Galiza Nova, Parrulos, Itaca, Casa Encantada e Itaca), que solicitou há 3 semanas, já tem concedida a Alameda. Será pola linha directa entre a ?mocidade? do BNG e a Cámara Municipal?
Nom sabemos se nos permitem celebrar a festa 10 dias antes da data. Nom podemos editar cartazes nem anunciá-la, portanto. E sem publicidade nom há gente e sem gente é a ruína dumha associaçom auto-gerida. Isso sabe-o todo o mundo.
Contam-nos que há protestos polo ruído e que tenhem que proteger a vizinhança e a zona velha. Muito bem. Mas entom, Los Secretos, Bebe, Hombres G, David Civera, Estopa, Manolo García, Macaco ou Amaral, nom figérom ruído polas festas do Apóstolo na praça da Quintá?

O problema da publicidade

Solicitamos licença para pendurar faixas plásticas nalguns pontos da cidade a anunciar a nossa festa. Mas nom no-la concedêrom porque nom se podem pendurar faixas na zona velha. Só pode EL CORREO GALLEGO e companhia para corridas pedestres e semelhantes. Será que há que manejar mais dinheiro para ser tratadas como eles?
Já nom vamos falar agora do problema da publicidade de cartazes. Se calculamos umha ou duas multas por cada 10 cartazes colados (quando nom há julgamento), a sangria económica está consumada.
Isto é mais grave ainda quando sabemos que noutros concelhos como o de Oleiros, é a própria cámara quem se encarrega de elaborar e pendurar as faixas, e quando sabemos que em nengum outro concelho do país multam por colar cartazes. Só aqui.

A Gentalha do Pichel lamenta ter na Cámara Municipal de Compostela o principal obstáculo do seu produtivo trabalho em defesa da cultura nacional.

Continuaremos investigando se temos um espaço na cidade onde celebrar o Dia das Letras e informando pontualmente do decorrer das gestons.

Compostela, 26 de Abril de 2006

Informaçom sobre boicotes anteriores:


(última das descargas)

Escrito em 26-04-2006, na categoria: Notícias
Chuza!

7 comentários

Comentário de: Kortxo [Visitante]
Kortxo

Animo,o dia 13 contade coa minha presenza na vosa festa como todolos anos

26-04-2006 @ 19:53
Comentário de: gentalha [Membro]  
gentalha

Hoje, dia 27, informarom-nos de que nom se nos concede nem a quinta, nem mazarelos, nem passeio central da alameda, nem carvalheira de Santa susana, nem toral… Solicitamos Belvis e Campus Sul e comezam de novo os tramites. Sabem o que fam

27-04-2006 @ 12:07
Comentário de: Kortxo [Visitante]
Kortxo

Animo ja veredes como ao final ides poder facer a festa e como todolos anos vai ser um exito.

27-04-2006 @ 15:11
Comentário de: celso [Visitante]
celso

Qual o problema, meus e minhas? Por que tanto radicalismo como quererdes pendurar faixas estrangeiras?

Chamade-a “Festa do Dezasete“, mudade o vosso nome para “Xentalla do Pichel” e deixade-vos de lérias.

Em Ponte Vedra, Oleiros e outros concelhos estão a jogar com lume. Mas no Corazón da Lingua não se pode andar com brincadeiras. Aí mora o nosso Presidente. Temos um Parlamento. Há câmaras web que detectam por infravermelho os corpos infectados. Eu um dia até escutei uma moça falar com mais de sete vogais. Se o Contorno inimigo crescer, a Realidade Nacional Galicia/Galiza está perdida.

Mas não desesperedes, jovens. Sede prátic@s, acatade o Estatuto. Em Entrerruas há um pátio interior pequechinho onde podedes juntar-vos seis ou sete, isso sim, se dades de beber só cap, pondes música de Engelbert Humperdick e bailades agarrado até às 2. À manhã seguinte ides ao Concelho bem duchad@s e dades Moitas grazas.

Saúde e sorte ;-),
-celso

27-04-2006 @ 15:48
Comentário de: Foro da mocidade [Visitante]
Foro da mocidade

por certo o foro da mocidade non ten confirmado nengun permiso,é mais, polo de agora ten a negativa por parte da camara municipal de celebrar o concerto.
Levamos tres meses co permiso pedido e tivemos que retrasar a data inicial (o dia 29 de abril)por tres veces por falta de resposta do governo municipal; co conseguinte problema coa publicidade.-

27-04-2006 @ 19:06
Comentário de: Xiao [Visitante]
Xiao

Antes de nada, quero expresar a miña solidariedade coa Gentalha do Pichel, organización da cal coñezo o seu traballo en prol da lingua, a cultura, a historia e a memoria do país. Todo o que se faga neste campo, tamén na capital da Galiza, será pouco. Pero o que non comprendo é que arremetades contra o Foro da Mocidade, pretendendo orientar á xente que gosta da Festa da Língua, e que se escandaliza ante a actuación municipal, contra esta outra plataforma xuvenil, que parecen, na vosa nova, uns enchufados do concello.

O Foro da Mocidade organiza tamén desde hai moitos anos unha meritoria Festa da Lingua, e atópase con todo tipo de atrancos, da mesma caste que os vosos, tanto no que atinxe ao lugar da celebración, a publicidade, a tardanza do concello en respostar, etc… É triste que en vez da solidariedade se impoña o cainismo. Estamos a falar de concertos e festas pola nosa lingua, para socializar á cidadanía na defensa do galego, non podemos competir como se esto fosen unhas oposicións… Pero o que está pior é intoxicar e arremeter contra outras organizacións sociais.

Espero que finalmente poidades celebrar a Festa do Dezasete sen problemas. Alí estarei. Apertas.

27-04-2006 @ 19:17
Comentário de: espe [Visitante]
espe

Em resposta aos comentários do Foro da Mocidade apenas dizer que a denúncia por parte da Gentalha da actividade do concelho, acho que nom consistia num ataque à vossa actividade como colectivo cultural. À vista do acontecido um dia antes e no próprio dia da festa (a negaçom de utilizar a praça pola manhá quando já fora concedida, corte de luz às 12.00 quando faltavam grupos por tocar e o resto de situaçons que podedes ver neste mesmo blog, situaçons que acho nom acontecerom na vossa festa), si devemos denunciar que nom a todos os colectivos se nos trata igual e nisto, pessoalmente, nom acho tanto umha crítica a vós mas sim ao Concelho e aos seus favoritismos pessoais.A questom é que tod@s temos dereito a utilizar as nossas ruas, nom é?
saudos

22-05-2006 @ 13:07

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution free blog software