COMUNICADO SOBRE OS ACONTECIMENTOS DA FESTA DO DEZASSETE (QUE SE FAZIA O 13)

COMUNICADO SOBRE OS ACONTECIMENTOS DA FESTA DO DEZASSETE (QUE SE FAZIA O 13)

No comunicado que se segue a Gentalha do Pichel denuncia as atitudes e comportamentos municipais na capital do País em relaçom com a celebraçom do Dia das Letras (incluídos boicotes, multas, identificaçons, cortes de luz durante os concertos e abusos de poder)

Recentemente demos notícias sobre o boicote que a Gentalha do Pichel estava a sofrer por parte da Cámara Municipal de Compostela. Podedes ler nesse texto a descriçom, com todo o tipo de pormenores, das dificuldades colocadas para a concessom da praça, para os horários e para as ajudas materiais (económicas ou de infra-estrutura).
http://www.agal-gz.org/blogues/index.php?blog=27&title=a_gentalha_do_pichel_denuncia_boicot_mun&more=1&c=1&tb=1&pb=1

A 17 de Maio, 4 dias depois da celebraçom da nossa festa anual, e com as actividades do Dia das Letras praticamente concluídas, vemo-nos na obriga de fazer umha análise de como decorrêrom os factos desde os dias prévios ao 13 e na própria jornada festiva.

A PRAÇA

A 23 e Fevereiro a Gentalha solicita licença para celebrar a festa em Maçarelos; dous meses depois, a 3 de Maio, ainda nom temos resposta institucional.

A 4 de Maio informam-nos de que nom nos é concedida por estar no casco histórico. Desconhecemos a ordenança que proíba o uso das praças da zona velha (apenas há que observar a programaçom cultural da cámara para ver que metade dos acontecimentos som celebrados nas ruas), mas aceitamos a denegaçom e pedimos alternativa.

Solicitamos agora a praça 8 de Março ou a Alameda. A primeira é denegada por estar na zona velha, e a segunda é também denegada por estar ocupada com a feira do livro, as festas da ascensom, por nom ter licença do departamento de parques e jardins e porque ?total, está mui suja e nom serve para fazer jantares?

Solicitamos entom Belvis e o Cámpus Sul. Belvis é denegado, o Cámpus Sul concedido. Apenas há um problema: é-nos concedido pola cámara, mas é a universidade quem outorga a licença. Continuamos sem nada a 9 dias da festa.

Nesses dias informam-nos as empregadas da Cámara de que a praça dos Bombeiros foi concedida ao Foro da Mocidade (entidade em que participam as mocidades do BNG).

A dia 5 de Maio, na visita número 14 ao departamento do casco histórico, decidimos instalar-nos nas dependências e nom sair dali sem umha soluçom. (Depois de terem concedido umha praça a outro colectivo, nom podiam negarno-lo a nós). Às 15h15, várias horas de espera depois (ninguém entretanto pudo atender-nos), assaltamos a responsável da Cámara exigindo umha resposta. Ela insinua-nos que ?estám a trabalhar? na hipótese dos Bombeiros, mas nom há nengumha confirmaçom.

De repente já nom há ordenança que proíba o uso das praças da zona velha?

Aferramo-nos à hipótese e decidimos editar a propaganda assumindo o risco.

Nos dias posteriores, sabemos que o Foro da Mocidade vai celebrar os seus concertos no passeio central da Alameda (até as 2:15 e com palco municipal, por certo). Já nom há livros, nem ascensom, nem sujidade. Nós, ainda sem confirmaçom oficial.

A dita confirmaçom por escrito chega a 12 de Maio. 20 horas antes da festa. A licença é para o uso da praça a partir das 18h00. A programaçom está feita para as 13h00, com a sessom vermute e o jantar posterior. Sugerem-nos que vaiamos para a praça do Matadoiro e celebremos as actividades matutinas ali.

Mas nom havia umha ordenança que proibia nom sei o quê?

Dizemos que nom.

Sugerem que vaiamos à praça 8 de Março.

Mas nom havia umha ordenança que proibia nom sei o quê?

Vamos entendendo como funcionam as cousas nesta cámara municipal...

Dizemos novamente que nom, que nom é possivel deslocar a equipa de som, o palco e a carpa de um lado a outro porque é inassumível economicamente. A responsável di entom que ?se tal? levemos as facturas do som e ?a ver que se pode fazer? (!!!!!!). Que maneira é essa de distribuir o dinheiro público?

Vamos entendendo como funcionam as cousas nesta cámara municipal...

20 horas antes da festa, estamos sem licença para celebrar o concerto e o jantar.

Decidimos entom ir à procura da mulher que falara por telefone connosco e ter umha conversa ao vivo. Está ilocalizável. Deixamos um recado a dizer que apesar da proibiçom, a festa vai celebrar-se igual. Telefonam dali a pouco ameaçando com severas sançons se vamos avante, mas no decorrer da tensa conversa, a pessoa que nos ameaça recebe um aviso que imediatamente nos comunica. Já temos licença.

Nós perguntamo-nos entom quais som os cauces democráticos que permitem essas mudanças de opiniom instantáneas. Que fam que no mesmo dia proíbam e voltem a permitir. Como se decidem as cousas nesta Cámara Municipal?

Vamos entendendo como funcionam as cousas aqui...


No mesmo dia, a polícia local tenta impedir a instalaçom da carpa. Mais tarde, impede de facto que a mercadoria seja colocada na praça.


O DIA DA FESTA

A polícia continua com o seu cívico labor ao serviço da vizinhança compostelana. Obrigam-nos a retirar as faixas publicitárias (obviamente nom o fazemos), e passam a tarde vigiando atentamente a feira camiseteira da praça do pam à procura de algo que sancionar. Finalmente encontram, e multam os participantes da feira com 120 euros por andarem 5 metros em direcçom contrária quando tentavam sair da praça.

A festa decorre, de resto, com normalidade e com um rotundo sucesso. Centos e centos de crianças e pessoas adultas desfrutam ao longo do dia de umha jornada lúdica com jogos tradicionais, obradoiros de plástica, música e jantares. Também noutros pontos da cidade a gente pudo desfrutar de passa-ruas, foliadas e baile tradicional.

Com a chegada da noite, por volta das 22h00, começam os concertos. Está previsto que acabem à 1h30, umha hora relativamente prudente tendo em conta o carácter feriado do dia a seguir e as convocatórias habituais de diferentes colectivos e da própria cámara municipal. Tocam as duas primeiras bandas, mas as duas últimas já om podem fazê-lo.

Às 00h02, vai-se a luz da praça. Pensamos numha avaria e tentamos arranjar o problema. Mas ao vermos as horas, comprovamos que nom se trata dum problema técnico. Foi a cámara municipal que cortou o suministro eléctrico. A praça fica às escuras, as bandas contratadas nom podem tocar, o balcom das bebidas deixa de funcionar porque nom há frio nos frigoríficos, e as pessoas organizadoras desesperadas temendo um golpe económico irreversível.

Nesse momento de escuridade física e anímica, começam a surgir apoios por toda a parte. Num autêntico gesto de solidariedade quase heróico, Skárnio sobe ao palco e começa a interpretar os temas com um megafone na mao. As pessoas entendem a mensagem e continuam a festa apesar das dificuldades.

Também Skárnio, junto com Kastomä, tenhem importantes gestos de generosidade a nível económico connosco. Devemos-lhes um grande favor, sem dúvida.

Agradecemos enormemente aos Veraneantes a atitude de rebeldia contra o apagom que mostrárom, animando a festa com umha energia e entrega dificilmente superáveis.

Agradecemos a Emílio, da Banha, (e a todas as interpretes e dançadoras espontáneas) que com a sua gaita nom deixasse passar nem 2 minutos em silêncio na praça.

Agradecemos a Dáni, o técnico de som, que tivesse um gesto de solidariedade económica connosco.

Agradecemos a Quique e Perico, de ERVA, a participaçom constante e a inestimável ajuda técnica no pior momento do dia.

Agradecemos à gente da Fouce de Ouro o trabalho incansável durante toda a noite.

Agradecemos ao polveiro e à sua família a ajuda dada com o transporte de material quando a polícia nos dificultou a montagem da infra-estrutura.

Agradecemos aos ex-combatentes da VA-CA que entoando o ?apaga o candil...? aportárom o tam necessário sentido do humor em momentos difíceis.

Agradecemos também à Assembleia do jogo tradicional e popular, a Nilsom, a Xilbarbeira, Xuntanza e a Colegiata do Sar, aos pintores Suso e Leandro, a escritores e escritoras que participárom no book-crossing, e a tanta outra gente, o altruísmo com que colaborárom na nossa festa.


Devemos-vos um favor a todos e todas.


Umha vez que sabemos que a gente está connosco e que esta cámara municipal quer acabar com o nosso trabalho e a nossa presença, pensaremos seriamente na possibilidade de deslocar as nossas festas para concelhos próximos que mostrem mais vontade de colaboraçom com a auto-organizaçom popular e o activismo cultural.

Escrito em 19-05-2006, na categoria: Notícias
Chuza!

6 comentários

Comentário de: Kortxo [Visitante]
Kortxo

Eu fum dende Trasancos a vosa festa como fago todolos anos.E ainda q o concelho intentou sabotearvos,jodendo os concertos,eu creo q foi um exito.Ver a praza despois d cortaram a luz,sem q ninguem se fora e bailando o ritmo dos skarnio e dos gaiteiros,seguro q a mais d um lhe provocara dor d cabeza.
Skarnio demostrou umha vez mais q som um colectivo comprometido polo pais

19-05-2006 @ 15:02
Comentário de: Um [Visitante]
Um

Eu o que não percebo é como o Concelho anúncia então em destaque esta Festa (na página compostela Cultura) para depois reprimí-la. Alquem percebe isto?

20-05-2006 @ 18:54
Comentário de: gentalha [Membro]  
gentalha

Certo é que no concelho de compostela o governo do cambio nom acadou umha putrefacçom global das suas estructuras. Compostelacultura pareze ter capacidade para continuar dando cabida a todas as propostas culturais compostelanas.
Paciencia

21-05-2006 @ 16:26
Comentário de: davide [Visitante]
davide

Se queredes pode-se protestar ao concelho directamente no enderezo que me enviaron, polo menos que lhes chegue algo e cantos mais melhor,
http://www.santiagodecompostela.org/contacto_a.php?lg=gal
Saudos

22-05-2006 @ 10:49
Comentário de: lopo [Visitante]
lopo

por certo sabedes que o outro dia no concerto de briga adicaronlle unha a cancion homenaxe a victimas militares do yak 42

30-05-2006 @ 13:56
Comentário de: gentalha [Membro]  
gentalha

Parabens lopo. Es o primeiro imbécil em enmerdar o nosso blog. Continua e conseguiras que nom se podam meter comentarios libremente.

01-06-2006 @ 15:36

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution