Quando a Gentalha do Pichel se constituiu, já sabia que nom ia contar com muita colaboraçom institucional. Desgraçadamente, neste país, os dinheiros públicos nom costumam destinar-se à colaboraçom com organismos auto-geridos e independentes politicamente. O que nom esperávamos era que essa nom-colaboraçom se tornasse em boicote aberto da nossa actividade.
Os governantes municipais sabem perfeitamente que umha associaçom das nossas características precisa de muitos esforços económicos para sobreviver, porque nom vive do abrigo e a protecçom institucional e arrisca, portanto, muitíssimo com cada actividade ou campanha que lança.
Eles sabem-no. Sabem que nom lhes devemos nada e que criticamos sem complexos a sua incompetência e nepotismo; e decidírom afogar-nos economicamente para ocultar-nos de maneira limpa e silenciosa, simplesmente por nom termos o ?cartom do partido?. Isto também o sabem em Ourense, mas ali tenhem outro estilo, menos elegante?
4 multas impostas pola polícia secreta local a 4 companheiras que colavam cartazes no cámpus anunciando a festa do Dezassete. Solicitam até 1200 euros; 3 multas a 3 companheiras que pintavam um mural de homenagem a Ángelo Casal. Até 900 euros; apagom às 00h02 no concerto da Festa do Dezassete (e enormes perdas económicas, como é evidente)
Solicitamos, nestes momentos, a solidariedade activa de todas as pessoas que acham necessário o nosso trabalho. E agradecemos-lha infinitamente a quem já decidiu trabalhar connosco e dar-nos umha maozinha. As pessoas que tivestes a sorte de estar no Pichel na quinta feira passada sabedes de que estamos a falar: de pessoas como @s amig@s de Sera-lhe aí, que de maneira totalmente desinteresseira montárom um espectáculo memorável com artistas de alto nível. A festa nom defraudou ninguém, e nós já temos um pouqinho de caminho andado. Obrigad@s.
Damos-vos algumhas ideias:
Podedes participar nas nossas actividades (nesta sexta, a segunda cacharela de sam Joám! ?se nos deixarem?-)
Podedes associar-vos à Gentalha
Podedes comprar os materiais que editamos
Podedes fazer achegas económicas directamente na conta bancária:
2091 0316 92 3000223595
Escrito em 21-06-2006,
na categoria: Notícias
|
Animo,eu ando ás veces por Compostela.O venres conto andar por ali,e volverei a ir a vosa cacharela como o ano pasado.
Avante a gentalha!!!
Esta bebedeira vai ser melhor, ou se calhar, maior que a do 17. Força!
E cuidado com os búhos…