Depois de umha breve paréntese, as afamadas e tradicionais festas da antiga rua de baixo voltam a Compostela neste sábado 9 de Setembro. Sem dúvida algumha esta é umha excelente notícia após de ficarmos alguns anos sem umhas das festas mais concorridas da comarca de Compostela.
E voltam como as de antes,
para nom deixar a ninguém na casa. Já de manhancinha, às 10, alegre alvorada polo bairro a cargo do Quarteto da Gentalha com Cabeçudos e bombas. A seguir, às 11:30, o pregom, que como nom podia ser menos, estará a cargo da alma e apoio na sombra das festas: Sindo. Ao meio dia teremos regueifas com Benito e Luís, que nos contarám os secretos mais fondos da rua do espírito santo.
À umha da tarde nom podia faltar a tradicional invitaçom à sessom vermouth que estará amenizada polo o espléndido grupo musical CASINO GALICIA. A isso das duas faremos umha pausa para comer e retomar forças para o que ainda fica.
Às 5 retomamos a festa com arruada polo bairro a cargo novamente do Quarteto da Gentalha e dos Cabeçudos. Às 5:30 é o tempo para os cativos e cativas da casa: jogos populares e globofléxia com UGIA. Às 7 mágia, nom podedes perder a grande actuaçom do Mago CALI.
E para a noite, a partir das 22:30, a desfrutar da festa com a murga OS ESTALOTES e o grupo musical THE TURRE?S BAND.
E todo isto na rua do espírito santo que já está engalanada para a merecida ocassom com luzes, guirnaldas, palco, bombas de palenque... nom podedes faltar!
Escrito em 07-09-2006,
na categoria: Notícias
|
Pero tu…. seguro que eres el pescadero del PP!!! Vinid todos que vamos montarla bien