Aqui vai a listagem dos cd's que se podem comprar no Pichel. Música em galego de todas as partes do planeta e alguns dos últimos trabalhos das bandas com mais sucesso na Galiza de hoje. Goza e dança EM GALEGO!!!

Continua:

− 120 capadores. Compilaçom e tributo da banda corunhesa Os Diplomáticos de Monte-Alto. 21 faixas de bandas galegas novas e míticas e da banda asturiana Dixebra. Contém também 4 cançons inéditas da banda paradigmática e homenageada do bravu cascarilheiro.

− Ardentia – 15 anos de viaxe. 12 cançons para explicar o som da banda durante este tempo de proveitosa viagem. Música tradicional em estado puro e com umhas actuaçons ao vivo com muita alegria e qualidade, como já nos mostrarom no Pichel.

− Aturuxa. Compilaçom solidária com a consolidaçom do projecto de local social de Boiro Aturuxo. 20 faixas interpretadas por bandas galegas actuais assi como umha cançom do Suso Baamonde.

− Cantos da língua. Cd que nos chegou de Portugal e que procura a mestura de todos os sons da lusofonia, Galiza incluída. Música, letras e artes escénicas em galego, no mundo e para o mundo todo.

− Em galego. Compilaçom de músicas da lusofonia que figemos da Gentalha para que gozeis da vossa língua em todos estes sotaques. Da música de raíz até o hardcore.... nom o perdas!!!

− Fiandola. Primeiro trabalho desta banda da Galiza (já que seus e suas componhentes venhem de vários pontos do país) com sons que vam do mais tradicional a outros temas mais folkies, que nom por isto menos maus. Muito boas vozes femininas, boas melodias e muito bem armonizadas, que mais lhe pedes?

− Galiza é o nome do país. Compilaçom solidária com os centros sócio-culturais autogeridos da Galiza. 15 faixas com as bandas e as cançons mais actuais do panorama musical galego. Da festa eslava dos Festikultores ao metal de Nao e no meio todas as bandas que imaginades. Goza e colabora com a tua cultura.

− Goza Brasil. Mais umha compilaçom auto-editada pola Gentalha para gozar do Brasil mais actual. Nom aguardes mais para sambar com nós.

− Kastomä – Mestres de pesadelos. Punk rock macarra de Ordes. Sons muito do estilo de bandas escandinavas como Hellacopters ou Turbonegro com letras proletárias das que fam falta. Nom deveriam faltar na colecçom dum roqueiro galego com bom gosto.

− Nao – Usa a palabra. Maqueta desta banda metaleira da Estrada com sete temas cheios de energia e raiva como para virar o mundo.
− Nao – As palabras espidas. Último trabalho dos ex-M.D.R. entre outros, muito menos metaleiros que na maqueta embora com um som muito mais trabalhado e rico em registos. Produzido polo Kaki Arkarazo em Euskal Herria. Provavelmente um dos discos de rock do 2007 a nível estatal e temo-lo nós aqui a vender (polo de agora...).

− O som da solidariedade. 20 faixas para derrubar muros e rachar cadeias. Cd solidário com os presos independetistas galegos com as bandas mais actuais da Galiza assi como colaboraçons que chegárom de EH dos PPCC e inclussive desde a Itália com a Banda Bassotti. É a hora de colaborar para trazé-los de volta à Terra.

− Servando e contradança. 13 cançons das que apenas já se fam para as crianças galegas. O músico de Vigo interpreta música muito singela para a fácil memorizaçom das e dos mais novos. Integramente em galego-português. E logo, tu nom tes primos e primas pequenas?

− Skárnio – O nosso caminho. Último trabalho da já mítica banda viguesa de Ska. Mais do mesmo, isso si, como nunca. 14 cançons para nom parar de bailar Ska. Letras cheias de compromisso e luita e mais música acelerada com engenhosas linhas melódicas disparadas desde os metais e as guitarras. Este também há de ser dos que nos durem pouco, assi que nom demores em comprá-lo.