1. A Gentalha do Pichel é umha associaçom cultural legal e registrada no ano 2004. Neste momento conta com mais de 200 pessoas associadas.
O seu objectivo é a dinamizaçom cultural da nossa comarca. A Gentalha organiza-se em 7 comissons de trabalho:
- memória histórica
- conhecimento do meio
- defesa da língua
- cultura tradicional e novas criaçons
- manutençom do local social
- sociedade gastronómica “Bistéqueles e Patácolas”
- biblioteca “Anna Politkovskaya”

Podedes consultar algumhas das mais de 1000 actividades dos últimos 4 anos no nosso blog: http://gentalha.agal-gz.org

2. A Gentalha do Pichel participou de forma crítica na mobilizaçom do passado dia 8 de Fevereiro. A sua participaçom pacífica e cívica dividiu-se em duas convocatórias:

Continua:

- “Bilinguismo Mr. Marshal”:
Junto com a gente de “seioque.com” organizamos umha charanga ridiculista. Consistiu numha sátira da manifestaçom de “galicia bilingue”.

- “Dia Internacional do Parvo”:
baseando-nos num desenho de Xaquin Marin, estendemos umhas faixas (pancartas) nas imediaçons do percurso da manifestaçom galegófoba, sem interromper em nengum momento o transcurso da mesma.

Portanto, a Gentalha do Pichel nom participou, nem organizou, nem albergou a preparaçom de nengumha outra actividade diferente das mencionadas.

3. Ante as graves acusaçons e calúnias do dirigente do PP (“en estos locales los para-terroristas preparan los cócteles molotov...”) queremos manifestar:
que se nos próximos dias nom houver rectificaçom pública das difamaçons lançadas, a Gentalha iniciará contra ele as acçons civis e penais que procedam.

4. Apesar desta “cruzada” do PP contra os movimentos populares e o tecido associativo da cidade, a Gentalha nom deixará de trabalhar na dinamizaçom de Compostela achegando novas propostas culturais, recuperando as nossas tradiçons e contribuindo para a plena galeguizaçom da comarca. Nom continuaremos, portanto, a alimentar este esperpento mediático que outros necessitam para existir.