
?História do Anarquismo na Galiza?
Com Dionísio Pereira e Eliseo Fernández
Quinta-feira, 5 de março ás 20:30h no Pichel
Nesta palestra poderemos ver qual foi a influência que tivo o movimento anarcosindicalista na Galiza do século XX, desde os inícios da organizaçom do movimento até aos tempos actuais; Estudaremos as suas relaçons com outras organizaçons poíticas e obreiras e com o nacionalismo galego; a táctica frente ao regime monárquico espanhol e a II República espanhola. Nom esqueceremos analizar as estratégias do movimento anarcosindicalistas frente ao golpe de Estado militar-fascista de 1936 nem a sua participaçom na guerrilha galega anti-franquista.
Será umha excelente ocasiom para descubrir umha parte da nossa história que muitas vezes foi esquecida, e para elo, contaremos com dous historiadores especialistas na questom: Dionisio Pereira e Eliseo Fernández.
Breve biografia do Dionísio Pereira:
Dionisio Pereira González é um economista e historiador corunhés, especialista no movimento operário da Galiza, que leva décadas fazendo um rigoroso contributo a prol da restauraçom e recuperaçom da nossa história colectiva, nomeadamente da classe trabalhadora galega, exercendo a necessária higiene democrática de denúncia dos repressores e de dignificaçom das vítimas. Mas, o próprio historiador Dionísio Pereira e a associaçom ?Verbo Xido?, tiverom que sofrer os ataques por parte de sectores da extrema direita da comarca de Cerdedo; diferentes análises históricas publicadas em diversos livros que recolhem os nomes de destacados dirigentes fascistas que após Julho de 1936 participárom activamente na repressom contra militantes operários e de esquerda na comarca de Terra de Montes, levarom ao início dum proceso judicial ao historiador a causa da denuncia de familiares do chefe local da Falange de Cerdedo e alcade de Cerdedo desde 1950. Esigíam-lhe a Dionisio Pereira que se retractase dumha frase publicada no livro A IIª República e a Represión franquista no Concello de Cerdedo (2006):
"Persoas sinaladas pola súa presunta participación en diversas manifestacións da represión: Angel, Luis e Manuel Gutiérrez Torres (xefe da Falange, alcalde de Cerdedo nos anos 40 e 50), Eligio e Francisco Nieto (falanxistas)..."
Contando com diversas fontes que corroboraban o sinalado, e depois de que o Dionísio recebeu mulridom de manifestaçons de apoio, a familia do falanxista decidiu seguir adiante, mas a denúncia viu-se finalmente destinada polo Tribunal, ficando um importante precedente, mostrando que Dionisio efectúa um trabalho rigoroso apoiando em fontes sólidas o seu estudio.
Pessoas como Dionísio Pereira som muito necessárias pois exercem como "consciência colectiva" e voz crítica num Estado que se considera democrático, mas que nunca
julgou aos fascistas e inimigos do povo e da liberdade, todo o contrário, garantiu-lhes umha total impunidade e a possibilidade de seguir coacionando ao povo
Breve bibliografia do Dionísio:
*
"Asociacionismo e conflictividade na Galiza mariñeira (1870-1936)", en AAVV: Os Conquistadores Modernos: Movemento Obreiro na Galicia de Anteguerra; Ed. A Nosa Terra, 1992.
A CNT na Galiza (1922-1936); Ed. Laiovento, 1994.
*
Actividades marítimas na Galiza contemporánea; Relatorio presentado no Congreso "O mar na Historia de Galicia"; Universidade de Vigo, 1996.
Sindicalistas e Rebeldes; Ed. A Nosa Terra, 1998 (colección Prensa e Creación nº 5).
*
Imaxes da fatiga. Crónica gráfica do traballo na Galiza; A Nosa Terra, 1999.
O anarquismo na Galiza (con Eliseo Fernández); Ed. Positivas, 2004
O Alzamento fascista na bisbarra das Frieiras: só viñeron a matar e roubar; Asociación Cultural Memoria Histórica Democrática, 2005.
O movemento libertario en Galiza (1936-1976) (con Eliseo Fernández); A Nosa Terra, 2006
Breve biografía de Eliseo Fernández:
Eliseo Fernández Fernández, (Ferrol, 1967). Diplomado em Biblioteconomia e Documentaçom, membro e colaborador do Ateneu Libertário Francisco Iturralde de Ferrol e do Ateneu Libertário Ricardo Mella da Corunha. As súas prinicpais áreas de investigaçom som o anarquismo e anarcosindicalismo na Galiza, os anarquistas galegos na emigraçom e o exílio e as bibliotecas obreiras.
Breve bibliografia:
- O movemento libertario en Galiza (1936-1976) (con Dionisio Pereira); A Nosa Terra, 2006
Unha Achega á represión franquista contra as mulleres libertarias na Galiza / Dionísio Pereira, Eliseo Fernández, en Unión Libre: cadernos de vida e cultuas. A Coruña : Edicións do Castro, 1996
O Anarquismo na Galiza (1870-1970) : apuntes para unha enciclopedia
Fernández Fernández, Eliseo, Santiago de Compostela: Edicións Positivas, 2004
Obreirismo ferrolán/ Fernández Fernández, Eliseo, Vigo : A Nosa Terra, 2005
Escrito em 03-03-2009,
na categoria: Notícias
|
O grandíssimo esquecido das Histórias sobre o anarquismo galego é o secretário geral da CNT em Ourense José Barbosa de Castro
Boas.
Gustaríame asistir ás conferencias de hoxe pola tarde pero non sei onde se situa o local.
Sofia,
está na Rua Santa Clara, case no princípio da R/ Espiritu Santo. Som umhas portas grandes verdes.