Abre-se o prazo de apresentaçom de fotografias do 1º concurso fotográfico da Gentalha do Pichel. A temática do concurso som as Branahs do Sar, em duas categorias: fotografia da natureza e impactos ambientais. O prazo estará aberto até o 30 de Abril e o anúncio dos prémios será o 15 de maio. Estes consistirám em guias ilustradas sobre flora e fauna cedidas pola livraria Couceiro e lotos de material da gentalha.
Participa enviando-nos as tuas fotografias ao endereço
C.S. O Pichel
Rua Santa Clara 21, Compostela
ou por mail a gentalha@agal-gz.org.
Podes consultar as bases do concurso a continuaçom.

Continua:

I CONCURSO ECO-FOTOGRÁFICO DA GENTALHA DO PICHEL

Um dos frentes de actuaçom fundamentais da A.C. A Gentalha do Pichel é o meio natural, tanto na face do seu conhecimento e como na da sua defesa. Em ambas a fotografia, como testemunho artístico e ao tempo fiel à realidade, pode resultar de grande utilidade, para deixar constáncia dos valores naturais e também para denunciar as agressons que estes sofrem. Por isso, pomos em marcha este I Concurso Eco-fotográfico (nesta ediçom cingido ao espaço das Branhas do Sar), com a vontade de continue em ediçons sucessivas.

TEMÁTICA
Estabelecem-se duas categorias:
- Ecossistemas naturais, flora, fauna.
- Impactos ambientais.

CARACTERÍSTICAS TÉCNICAS
Tamanho máximo: 200 x 250 mm
Poderá empregar-se qualquer técnica fotográfica.
Cada participante poderá presentar um máximo de duas fotos.

APRESENTAÇOM DAS FOTOGRAFIAS
Cada fotografia deverá apresentar-se em envelope fechado, dentro do que figurarám o título da foto, a categoria na que se apresenta e os dados de autoria: nome e apelidos, endereço, telefone e correio-electrónico. O envelope depositara-se directamente no C.S. O Pichel ou enviara-se por correio a:
CONCURSO DE ECO-FOTOGRAFIA
C.S. O Pichel
Rua de Santa Clara, 21
15704 Compostela
Também existe a possibilidade de enviar as fotografias por e-mail ao endereço da gentalha:
gentalha@agal-gz.org

PRAZOS
Apresentaçom das fotos: até o 30 de Abril
Exposiçom no C.S. O Pichel: do 1 de Maio ao 14 de Maio
Anuncio dos prémios: 15 de Maio

CONDIÇONS
A Gentalha do Pichel ficará com os direitos de publicaçom, reproduçom e distribuiçom dos trabalhos premiados e fará uso de eles tendo em conta da Lei de Propriedade Intelectual.
O falho será por votaçom popular: ganhará a fotografia que junte mais votos durante a sua exposiçom.

PREMIOS
Haverá dous prémios, um por categoria, que consistirám em guias ecológicas ilustradas e lotos de material da Gentalha do Pichel.

MAIS INFORMAÇOM
No C.S. O Pichel, ou no telefone 651 025 249.