EDITADO CARTAZ INFORMATIVO SOBRE AS BRANHAS

EDITADO CARTAZ INFORMATIVO SOBRE AS BRANHAS


A comissom de conhecimento do meio natural da Gentalha vem de editar um cartaz sobre as Branhas do Sar, onde explicamos as actuaçons que a Cámara Municipal vai realizar neste espaço da nossa cidade e as razons polas quais nos posicionamos contra o Plano Especial.

NOM AO PLANO ESPECIAL DAS BRANHAS DO SAR

Porque acabam com 15 %
Desde 1960 até a actualidade, a pressom urbanística reduziu a extensom das Branhas em 35 %. Dos 460.000 m2 delimitados no plano especial, a Cámara Municipal construirá em 65.000 m2, o que supom umha reduçom de mais 15 %

Porque as branhas som mais do que isto
O plano especial restringe as Branhas ao espaço delimitado pola linha. Como se pode ver, há umha parte que fica fora do plano e que, portanto, nom tem nem sequer umha consideraçom ajeitada para protegé-la

Porque isto é um ecossistema
Nesta zona construirám-se 58.270 m2 de equipamentos desportivos que sepultarám a margem direita do rio. Um ecossistema precisa de continuidade para a mobilidade da fauna

Porque impede a funçom de regulaçom hidráulica
A funçom de regulaçom hidráulica que as Branhas exercem de maneira natural é cada vez menor pola construçom na bacia do rio Sar (37 % da mesma está edificada). Mais pressom sobre as Branhas significa menos capacidade de regulaçom do caudal do rio e, portanto, mais risco de crescidas e desbordamentos rio abaixo

Porque nom tem estudo de impacto ambiental
À Junta e à Cámara Municipal pensárom, incumprindo o PGOM, que nom fazia falta. Claro, nom vaia ser...

Porque os estudos assim o aconselham
A Cámara Municipal encarregou à Universidade de Barcelona um estudo sobre as Branhas denominado ?Estratégia Verde?. Nas suas conclusons, a equipa de expertos e expertas censuram as actuaçons previstas no Plano Especial (viais e novas construçons) e indicam um caminho para a recuperaçom ambiental das Branhas: potenciaçom das funçons produtiva e hidráulica, mediante a recuperaçom de espaços (estacionamento do Multiusos, reconexom das Branhas com Belvis...), aproveitamento da capacidade de depuraçom natural de águas do complexo Belvis-Branhas,...
O ICOMOS (organismo internacional dependente da UNESCO) também aconselha a paralisaçom do Plano Especial

Porque reduz a funçom produtiva
Nesta zona construirám-se 5.250 m2 de equipamentos universitários que reduzirám ainda mais o espaço que tradicionalmente se dedicou à agricultura nas Branhas

Porque isto nom é o jardim da Cidade da Cultura
A Cidade da Cultura é a verdadeira razom deste Plano Especial impresentável. A motivaçom desta actuaçom urbanística nom é ?humanizar? as Branhas, nem dotar de novos equipamentos a cidade, nem recuperar um espaço ?abandonado?. A motivaçom real desta actuaçom é achegar Compostela à Cidade da Cultura (a incomunicaçom entre estes dous espaços já tem dado lugar a propostas tam esperpénticas como a do teleférico de Bugalho). O plano é só o começo da desapariçom das Branhas e a sua transformaçom no jardim da Cidade da Cultura.

Pola sua importáncia cultural
Moinhos, lavadeiros e outras construçons dam ideia da importáncia cultural que tivérom e tenhem as Branhas. Parte deste património está em perigo pola actuaçom da Cámara Municipal. A percepçom de que as Branhas estám abandonadas reflicte o facto de que as actividades que nelas se realizavam fôrom reduzindo-se com o tempo devido à pressom urbanística e a falta de rendabilidade. Mas construir um jardim nas Branhas só assegura o fim destas actividades e a perda do património ligado a elas.

Pola sua importáncia biológica
As branhas som um ecossistema mui específico. Devido a que se inundam periodicamente, a flora e a fauna que se encontra nelas nom é mui comúm. A conversom das Branhas do Sar numha zona de recreio eliminará toda esta diversidade biológica. Compostela é a única cidade da Galiza com umhas Branhas acarom do centro urbano e devido à actuaçom da Cámara Municipal vai deixar de sê-lo.

Porque vam edificar
A linha de pontos indica o lugar onde se construirá o vial que atravessará as Branhas desde o Multiusos à Ponte Pedrinha. Esta compartimentaçom das Branhas implica a ruptura da continuidade do ecossistema, e o seu empobrecimento, além de interromper a recolhida natural de água desde os montes das Santas Marinhas e Gaiás. A construçom do vial permite a edificaçom na sua beira, o que será ainda mais agressivo para o meio. Este Plano é só o começo da edificaçom nas Branhas.

Pola sua importáncia biológica
As branhas som um ecossistema mui específico. Devido a que se inundam periodicamente, a flora e a fauna que se encontra nelas nom é mui comúm. A conversom das Branhas do Sar numha zona de recreio eliminará toda esta diversidade biológica. Compostela é a única cidade da Galiza com umhas Branhas acarom do centro urbano e devido à actuaçom da Cámara Municipal vai deixar de sê-lo.

Escrito em 02-06-2010, na categoria: Comissons
Chuza!

1 comentário

Comentário de: D [Visitante]
D

É terrible que o plan especial sexa tan asquerosamente malo. Hai que paralo!

14-06-2010 @ 00:36

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution