VALORIZAÇOM DA GENTALHA APÓS A VISITA DO PAPA

VALORIZAÇOM DA GENTALHA APÓS A VISITA DO PAPA


Logo da vinda de Ratzinger o passado dia 6 de Novembro a Gentalha quer manifestar o seguinte:

VALORIZAÇOM DA GENTALHA LOGO DA VISITA DO PAPA

Contavam com 200.000 pessoas e as ruas de Compostela ficárom vazias. O Conselheiro da Presidência falou de dezenas de milhares de visitantes que se achegárom a Compostela e a polícia em menos de 20.000. Mas para quem estivo em Compostela o dia 6, parece um exagero dar esses números. Em qualquer caso, fôrom muitos menos dos e das que deixárom a nossa cidade esse fim de semana, fugindo do sequestro perpetrado pola Conferência Episcopal, a Junta e a Cámara Municipal de Compostela.

Um rotundo fracasso que nom cumpriu nem de longe as expectativas criadas e, com certeza, nom compensou os gastos com que o governo galego e compostelano sufragárom a vinda do líder da sua seita religiosa, se é que alguém acreditou algumha vez nesse argumento.

A Gentalha quer celebrar este fracasso e dar os parabéns aos movimentos sociais e à sociedade compostelana, que nestes meses se organizárom para manifestar o seu rejeitamento ao Ratzinger. Por todo o que a Igreja defende: machismo, homofobia, integrismo religioso, dogmatismo, polo seu papel na repressom durante a ditadura franquista, polo doutrinamento no ódio à nossa língua e à nossa cultura... Por todo isso dixemos nom à visita do Papa.

Destacável por penoso foi o papel da Cámara Municipal de Compostela, que longe de questionar a visita, decidiu colaborar na tomada da cidade. Começou o presidente ?socialista? Bugalho justificando os 4 milhons de gasto público da Junta para pagar a visita dum líder religioso, para continuar colaborando na dilapidaçom com 1,5 milhons da Cámara em conceitos de limpeza, iluminaçom, asfaltado de estradas...

Finalmente, culminou o seu papel servilista com um vergonhoso bando em que pedia à vizinhança compostelana, entre outras cousas, que ajudasse a ?engalanar a cidade?. Se calhar referia-se a que ?ocupassem a via pública? ilegalmente com faixas e bandeiras, algo que está proibido pola própria normativa da Cámara Municipal, em base à qual a Gentalha foi multada com 1800 ? por pendurar umha faixa com o lema ?Na Galiza só em galego? na última noite de cacharelas.

Era curioso observar as numerosas faixas que a Junta colocou pola cidade, com mensagens de bem-vinda ao Papa, e que suspeitamos nom tenhem a necessária autorizaçom da Cámara Municipal. A Gentalha pedirá a cópia de registo em que se pede a licença para a colocaçom das mesmas e, se nom existir, apresentará a correspondente denúncia por ?ocupaçom indevida da via pública?.

Acompanhando os religiosos vinhérom 6.000 polícias, quase um por cada 10 habitantes, que deixárom testemunho do seu passo pola cidade com umhas quantas cabeças abertas na concentraçom que, sob a legenda ?Nós nom te esperamos. Galiza laica?, tivo lugar na alameda a sexta feira prévia à chegada de Ratzinger. A intimidaçom e os abusos fôrom generalizados na chamada ?operaçom Gaiola?, com contróis à cidadania ?suspeita?, identificaçons, e mesmo produzindo-se registos em casas polo simples facto de as pessoas terem pendurada da janela umha das 1300 bandeiras de ?Eu nom te espero? distribuídas pola cidade.

A visita do Papa serviu para pôr de relevo, mais umha vez, o modelo de cidade que a Cámara Municipal e a Junta, mediante o Jacobeu, querem para Compostela. Um modelo ao serviço do peregrino e o turista, onde a Administraçom gasta ingentes quantidades de dinheiro em publicitar a cidade, para que este seja ?recuperado? depois polas empresas de hotelaria. Com um modelo económico turistificador que promove o trabalho precário e que folcloriza ou exclui a nossa cultura. Umha cidade de ?Grande Irmao? onde a dissidência é vigiada e perseguida em nome da liberdade. Umha cidade de referência para a Igreja, construída à volta do mito de Santiago ?Mata-Mouros?.

Por isso tivo importáncia a resposta popular a esta visita, porque com os meios de comunicaçom de massas rendidos à visita, com a Junta e grandes empresas a financiarem-na, com os partidos do sistema a publicitarem-na ou a calarem vergonhosamente, conseguimos construir e visibilizar um discurso alternativo. A Gentalha quer orgulhar-se do seu pequeno papel nesta resposta. Continuaremos a trabalhar no nosso projecto cultural, centrado na nossa língua e cultura, e que reclame para nós, vizinhas e vizinhos compostelanos, a cidade que foi sequestrada pola hierarquia católica no passado 6 de Novembro.

Escrito em 16-11-2010, na categoria: Comissons
Chuza!

2 comentários

Comentário de: Pedro [Visitante]
Pedro

Parabéns por este sucesso!
e parafraseando a cançom dos pimpinela “a Câmara! cada dia mais suja e nojenta, cada dia pior e pior”

16-11-2010 @ 17:50
Comentário de: A chiquilimpé [Visitante]
A chiquilimpé

Pola TVG, literalmente “empapada": absolutamente absorvida pola visita papal, puidemos ver o carácter igualitario desta organización chamada Igrexa Católica: no palco, entre os máximos representantes e dignatarios dela había exactamente o 0% de mulleres.

E que se pode esperar, se nesta España de pandereta o prohome é o Rouco Varela, ese que condena a quen queremos sacar os restos dos nosos mortos das cunetas e levalos ao cemiterio, pero esquece condenar aos asesinos (http://www.publico.es/177183/rouco-varela-predica-las-virtudes-de-la-amnesia).

Emporiso, non sexamos coma eles:
Que lles vaia ben, e que non fagan mal!

24-11-2010 @ 20:21

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution