Quando poderemos ver o Cineuropa em galego?

Quando poderemos ver o Cineuropa em galego?

Quando poderemos ver o Cineuropa em galego?

O Cineuropa, um dos acontecimentos culturais mais importantes do ano na nossa cidade, chega hoje ao seu fim. Este ano voltou com importantes novidades ao nível da programaçom. Porém, nada foi modificado no que di respeito à língua veicular do mesmo, que continua a ser, para além da publicidade, o castelhano.

A Gentalha do Pichel, que conta entre os seus sócios e sócias com numerosas pessoas que assistem regularmente às projecçons nas diferentes salas disponibilizadas para o visionado dos filmes, constatou que a totalidade das fitas estrangeiras (incluídas as lusófonas) fôrom legendadas em espanhol. Chama a atençom que isto poda acontecer em Compostela, cidade especialmente identificada com a sua língua e cultura, e ainda mais tendo em conta que o Cineuropa conta com umha assistência especialmente sensível à normalizaçom lingüística.

O contributo para o galego do Cineuropa é claro: o galego é usado para redigir a propaganda, como qualquer dialecto local de vocaçom costumista. Mas as cousas sérias vam em castelhano, neste caso a legendagem dos filmes, nom vaia ser que os próprios galegos e galegas nom entendam. É esta a mensagem que os partidos políticos compostelanos, ditos galeguistas, querem transmitir ao público compostelano?

Socorro Garcia, para além de representante institucional e imagem pública do Cineuropa, foi anteriormente concelheira de Normalizaçom Lingüística, e tem comprovado ao longo dos muitos anos em que dirigiu este departamento, que o público de Santiago de Compostela é favorável à recepçom de produtos audiovisuais de qualidade em galego.

Poderám pôr-se pretextos orçamentários para a traduçom das legendas, mas som bem difíceis de crer, umha vez que outros colectivos compostelanos, como o Cineclube de Compostela, passam semanalmente filmes legendados ao galego com um orçamento bem mais curto.

Poderá pôr-se o pretexto da falta de tempo, igualmente difícil de crer. Porém, se assim fosse, porque nom fôrom usadas as legendas em português com que contam muitos dos filmes visionados? Mesmo os filmes de origem lusófona fôrom legendados em espanhol, inclusive algum gravado em territórios fronteiriços. Os tam manuseados discursos filolusistas voltam a mostrar-se como o que já pareciam: retórica.

Esperemos que esta nota de imprensa sirva para que para o ano este grande desequilíbrio seja corrigido.

Escrito em 04-12-2010, na categoria: Comissons, lingua
Chuza!

3 comentários

Comentário de: Fiando [Visitante]
Fiando

Estando como estou completamente dacordo co vosso artigo, obviando o chamamento á legendagem em galego-csstelão em habendo legendagem já feita em galego-português.

Engadir namais que para o ano de seguro que o Conde Roa vai corrigir o desequilíbio.

05-12-2010 @ 18:08
Comentário de: Paulo Rico [Visitante]
Paulo Rico

Pois nada, a ficar caladinhas, que o “menos mao” pode perder o carro oficial.

08-12-2010 @ 21:50
Comentário de: doutora amor [Visitante]
doutora amor

Seguro que a tal Socorro non durme por asunto tal.
E proxeccions nos teatros non feitos a tal fin, e as salas do auditorio pechadas….
E a xente que mercou un bono non pode reservar e os que pagan en CaixaMalicia si…
E para protestar so figura un telefono da concellería, onde un impresentable pasa de ti e te trata como a merda…
E as bonecas que atenden as proxeccions non se sabe de onde sairon que seguro que a ti non te avisaron…
E….socorro que ven socorro…

09-12-2010 @ 00:39

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution