ÚLTIMOS PREPARATIVOS DA OPERAÇOM CASTANHEIRO

ÚLTIMOS PREPARATIVOS DA OPERAÇOM CASTANHEIRO

Para todas as pessoas que estades já inscritas na operaçom e para umha ou outra que ainda se queira unir (fica algum percurso sem assignar!):

Lembrai que amanhá, quinta feira às 20h30, teremos sessom de formaçom; virá ao Pichel XAVIER VIANA, atropólogo, para orientar-nos na técnica da obtençom de informaçom: como preencher as fichas, como perguntar...
E depois distribuiremos as áreas de trabalho e os grupos.

É umha reuniom quase obrigatória!

Escrito em 08-12-2010, na categoria: Comissons
Chuza!

9 comentários

Comentário de: casalupita [Visitante]
casalupita

Que inveja! Passade-o bem e rescatade muitas cantigas!

10-12-2010 @ 20:25
Comentário de: Sende [Visitante]
Sende

Era bom fazerdes também essa pesquisa pola Terra de Trives e pola parte da Serra da Cabeça Grande quando se puder, porque lá também se mantém memória da mesma tradição sob o nome de Pandigueiro.

Saúdos e parabéns!!

13-12-2010 @ 11:49
Comentário de: Paulo [Visitante]
Paulo

Umha das rotas escolhidas partia da terra de trives e chegava a Rua e ao Barco. Nom tiverom muito éxito, mas fica muito por estudar. O certo é que do pandigueiro nom temos nem o primeiro dado. É dizer, nom ha ninguem que puidera dizer quem, quando e onde se registrou.
Sende:Tu sabes quem deu com o Pandigueiro?

13-12-2010 @ 17:41
Comentário de: Miguel Losada [Visitante]
Miguel Losada

Son o Miguel Losada. Natural da Pobra de trives. Eu chamei por teléfono ó programa de Xurxo Souto cando escoitei nel o asunto do apalpador.

Quen queira buscar ten que procurar no entorno do rio Navea. A vila de Cova, certamente antiga e con tradicións vivas dunha grande potencia.

O pobo da Pena folenche, a Ponte Navea, Mouruás, Pareisás, San Mamede…

Case que niguén vai falar. Eu son nativo e levo dous anos recollendo. A xente, pouca, que fica desconfía dos que preguntan moito porque quen sabe…

Quen vaia espero que teña xeito e saiba o que fai e como. Esto non é como o Courel. Eiquí sempre estivemos á marxe. É terra de lobishomes.

O Miguel Losada.

15-12-2010 @ 21:56
Comentário de: Miguel Losada [Visitante]
Miguel Losada

Algunhas novas mais sobre o
Recuncando:

Pandigueiro.

Inda sendo un nativo como son da Terra de Trives, no é moi doado engatuñalo fio falando coa xente.
Logo de moito, cando se pode, preguntar, escoitar e lembrar; logo de percorrer a Serra e voltar os lugares, puiden recoller algúns anacos mais do naufragio, ciscados nas aréas da aculturación que padecemos.
Resultou, das conversas mantidas, en resumo, que:

1º O pandigueiro é, xa que eu o vin. Así o lembro.
2º Outra xente tamén, mais prefiren non lembrar. ? E pra que o queres ló?
Venlle os pobres, ós menos opulentos.
3º Padecémolo síndrome de: ?pois xa que o sabes voucho contar, xa que non é así.?
4º San Mamede ( parroquia de A Pobra de Trives), Santa maría de Coba, A Pena Folenche, Ponte Navéa.( Tamén) A Pedreira ( pobo sen xente)
5º Voz ?Pándigo?: Inocente, pouco avisado, papón, parviño.
6º Pandigueiro o que se asimila co inocente, co coitado pero tamén co que inda está virxe, sen alterar: Falando dos nenos: ? O que somos e no que nos convertemos!!?
O que está na parte brava, non mansa da vida. Da banda dos animais, da serra por extensión; da Terra; dalá de onde todos vimos.
7º O pandigueiro ven CHEIRAR, non tanto apalpar, os bandulliños dos nenos. Inda se lles fai, ós nenos, a trouliña de adiviñarlles o que comeron cheirándollela barriguiña, ou petando no couquizo e cheirando logo os dedos. ? como facia o Santo? Mais Cal Santo?
8º O tal santo é : SAN MAMEDE.
9º San Mamede baixou no alto da Serra dende unha nube, un dia de trono. Tropezou e cas galochas petou nos penedos da Serra. Veu por que era pastor.
10º Mamaba do leite( leite con castañas, purgazos, que comen os meniños os que vai ver) dos animais, todos lle eran amigos. Na súa terra botárono para que o comeran os lobos pero estes axudárono. Os regalos que trae son figuriñas de animais ( feitas de madeira de amieiro, cocido para que non abra)
Unha corza e un lobo axudaronlle a facer unha casa no mais alto, no medio da neve.
11º Il é moi rico por herdanza, mais vive como o mais pobre. Logo valedor dos mais pobriños de todos: os meniños. Ademais Foi santo sendo neno e foi dúas veces orfo: Primeiro dos pais e logo da nai que mirou por il.
12º Sacáronlle as tripas para matalo. Logo o bandullo é o seu símbolo, eles non deben sufrir por causa da barriga.

Despois de consultar elementalmente a biografía do santo resultan chamativos os paralelismos entre a tradición galega e esta.
Ademais parece que, na orixe a súa festividade caía no aninovo bizantino, entorno cultural desta figura.
A extraordinaria extensión da advocación a San Mamede, Mamet, Mamés, e demais, por boa parte de Europa ten que encaixar dalgún xeito co feito de que en Galicia está moi presente tamén.
Se San Nicolás chegou a ser ?papá Noel? San Mamede tamén pode selo, se cadra con mais motivo. digo eu e así o propoño.
O mismo Padre Sarmiento fala del, do santo, dicindo que os galegos aseguran que o santo era galego inda que Sarmiento o nega, ó tempo que asegura que é un nome ben común nesta terra mais somentes se lle por os ?rústicos? ( Colección de voces y frases gallegas. José Luis Pensado ed. Vol I pg. 378. http://books.google.es/books?id=371UwN37lPkC&lpg=PP1&vq=san%20mamede&dq=vida%20de%20san%20mamede&pg=PA378#v=onepage&q=san%20mamed&f=false

Saudos
Miguel Losada.
12-12-2010 @ 03:00

15-12-2010 @ 22:08
Comentário de: Xurxo Valcárcel [Visitante]
Xurxo Valcárcel

Na recollida da pasada fin de semana escoitei falar de purgazos (Sanfitoiro e San Clodio), de prugazos Paradaseca, xa na beira norte do Sil), e de brugazos (Vilarrubín, no concello de Oencia). Só como curiosidade.
Miguel: preguntaches xa pola parte de Pradoalvar, Chaguazoso…?
Saúdos.

17-12-2010 @ 13:26
Comentário de: Miguel Losada [Visitante]
Miguel Losada

Un dos meus veciños cando eu era cativo e vivía pertiño de San Mamede Pobra de Trives, era de Chaguazoso; viñera casar neste pobo.

Era o señor Graciano. Tiña vacas e tamén leiras. Moitas tardes andaba canda il, e os filos, tornando os xatos ratinos, murando coellos co furón ou axexando xabarís na fraga do Navea, pola Pedreira e outros.

Algunha vez falou do Pándigo, cando era tempo de pisalas secas.

Moito tempo despois, antes de que se fixera o atranque do Cenza por riba de Chaguazoso, coñecín mellor aquel pobo e ó señor Leandro, experto en lobishomes e que tamén lembraba ter ouvido falar do que andaba pola Serra mirando polos nenos. Il situaba a figura nun tempo no que il inda era neno, un tempo no que o foxo dos lobos inda traballaba.

Meu irmau viviu un tempo en Chaguazoso gravando un documental sobre o pobo a fins dos 80. O documental encargouno a TVG mais nunca se emitiu, penso. Elí escoitou moitas historias.
Anda moito por Compostela e poderíades combinar pra falar.Non sei.

De todolos xeitos evos millor ir cara Cileiros, coñecida como Chandrexa de Queixa, e vir baixando.

Eu cando vou aló, vou falando ca xente recoméndovos non preguntar moi directamente, no vaiades afuciñar; deixai que vos conten o que queiran e ide tornando a cousa cara o que vos interesa. Contade que xa volo dixerón noutra parte, xa sabedes: ” pois xa que o sabes voucho contar".

Inda ando nesta rebusca, e teño xa ben material. Espero podérvolo contar pro ano.

Saude
O Miguel

18-12-2010 @ 14:18
Comentário de: Heitor [Visitante]
Heitor

Caros,

gostava de ver todas estas informações tão interessantes na capa principal do Portal Galego da Língua, para a gente ficar sabendo.

No entanto: muitos parabéns aos dous.

01-01-2011 @ 22:57
Comentário de: Heitor [Visitante]
Heitor

Queria comentar aqui ainda uma reflexão a respeito do que explica o Miguel Losada: como a Galiza funciona amiúde como uma sociedade de “iniciados". Se sabes do assunto, podemos falar, senão ficas de fora. Isto é tremendo porque a informação não flui, fica recluída em âmbitos estancos e quando esses âmbitos desaparecem, desaparece com eles uma grande quantidade de informação valiosa.

Espero contudo que os antropólogos e etnógrafos galegos sejam suficientemente hábeis para quebrar esse círculo vicioso de silenciamento segredista e auto-imposto para não perdermos mais traços e elementos da nossa cultura.

Saúde.

03-01-2011 @ 10:57

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          free blog tool