VOLUTARIADO POLA LÍNGUA PARA IMIGRANTES
O voluntariado pola língua é um programa gratuito que pretende pôr em contacto pessoas que falam galego habitualmente com pessoas que por diversas razons nom tenhem maneira de aprender e treinar a língua oralmente para avançar na sua aquisiçom. Proporcionar um ámbito de comunicaçom galegófona a estas pessoas é o principal objectivo do voluntariado.
QUEM PARTICIPA?
No programa Voluntariado pola Língua participam pares de pessoas voluntárias e aprendentes:
Poderám ser aprendentes todas aquelas pessoas que por diversas razons nom usem a língua oralmente e queiram avançar na sua aquisiçom. Principalmente serám pessoas vindas de fora que estejam a morar na Galiza, ainda que também podam participar galegos e galegas que nom dominem a língua falada porque carecem de um ámbito comunicativo para darem os primeiros passos.
Os voluntários e voluntárias tenhem a motivaçom de introduzir outra pessoa no uso da língua oral, dando-lhe um ámbito de comunicaçom do qual o aprendente nom dispom. Estes voluntários ou voluntárias, que som disponibilizadas pola Gentalha do Pichel, expressam-se em galego fluentemente e tentam falar com a máxima qualidade de galego possível perante umha pessoa que está a dar os primeiros passos.
QUE DEVES FAZER?
Para ser aprendente só deves telefonar ou escrever-nos um mail e dar uns mínimos dados pessoais para saber o teu nível de língua e como podemos contactar-te. Depois, haverás de comprometer-te a compartilhar polo menos dez horas de conversa (mais ou menos umha por semana) durante três meses. Para isso poderás combinar com o teu voluntário ou voluntária onde vós quigerdes: para tomar um café, passear pola cidade...
PORQUE É IMPORTANTE?
Por diversas razons, há muitas pessoas que querem aprender a nossa língua e nom disponhem de um ámbito comunicativo para o fazerem. Umha boa maneira de paliá-lo é esta, que para além da vertente lingüística representa um modelo de integraçom humana e que já foi experimentada noutros países. Na Catalunha, por exemplo, está a juntar dezenas de milhares de pares lingüísticos e os resultados som magníficos.
Queria participar como aprendente, soy de latinoamerica y si bien llevo unos años aqui, aun no me animo a hablar en Galego.
Para entenderlo no tengo problema, pero para hablarlo es otra cosa…
Podrian avisarme para participar en el programa??? o decirme si hay plazo para apuntarse o que hacer otro tipo de inscripción…
Un saludo
Rocio,
envia-nos um contacto para podermos falar contigo: envia um mail e explica-nos como queres que te contactemos e qual é a tua disponibilidade (1 hora por semana mínimo).
abraços!
Ola,
se podemos quedar unha hora a semana a falar en galego. O agrdeceria moito. Eu veño do país vasco levo cinco anos en Galiza. Fixen o primeiro curso de politica linguistica pero gustariame falar con maís fluidez.
O meu telefono e 699 69 20 30
Graciñas